Жан Лепін (8 красавіка 1910, Люнебург — 19 кастрычніка 1991 , Курбевуа каля Парыжа) — нямецка-французскі жывапісец.
З 1929 года Курт Лепін вучыўся ў Баўхаўзе Дэсау ў Джозефа Альберса, Васіля Кандзінскага і Паўля Клее. З 1933 года жыў у Францыі, адкуль быў дэпартаваны ў 1944 годзе. Пасля вайны заставаўся ў Францыі пад імем Жан Лепін, выстаўляўся ў Salon des Realités Nouvelles. Лепін — адзін з найважнейшых прадстаўнікоў геаметрычнай абстракцыі ў Францыі. Стылістычна ён блізкі да такіх мастакоў, як Альберта Маньелі, Жан Дэйроль, Мішэль Сёфор, Эміль Гіліёлі і Аўрэлі Немур.