Жан-Клод Дзювалье (гаіц. крэольск.: Jan Klod Divalye, фр.: Jean-Claude Duvalier), вядомы таксама пад мянушкай Бэбі Док (фр. Bébé Doc, англ. Baby Doc; 3 ліпеня 1951, Порт-о-Прэнс, Гаіці — 4 кастрычніка 2014, Порт-о-Прэнс) — гаіцянскі дзяржаўны дзеяч, пажыццёвы прэзідэнт Гаіці пасля смерці свайго бацькі Франсуа Дзювалье ў 1971 годзе да звяржэння ў 1986 годзе генералам Анры Намфі.
У 19-гадовым узросце стаў самым маладым прэзідэнтам у свеце. Прадоўжыў умацаванне рэжыму жорсткай дыктатуры. Пры ім пагоршылася эканамічнае становішча Гаіці. Скінуты ў выніку народнага паўстання ў лютым 1986. Пасля звяржэння бег за мяжу, пасяліўся ў Францыі.