Дружы́лавічы[1] (трансліт.: Družylavičy, руск.: Дружиловичи) — аграгарадок у Іванаўскім раёне Брэсцкай вобласці. Уваходзіць у склад Ляскавіцкага сельсавета.
Да 2013 года Дружылавічы з’яўляліся цэнтрам Дружылавіцкага сельсавета[2].
Вядомы з 1450—1460-х гадоў як цэнтр воласці, выслугі ў караля Казіміра пінскага князя Юрыя Сямёнавіча, які даў з яе дзесяціну ўсяго з Дружылавіч дружылавіцкай Мікалаеўскай царкве, а таксама наданні ў Опалі, Дастоеве, Моталі і Давячоравічах[3]. У 1555 годзе згадваецца гаспадарскі “двор” Дружылавічы, у яго воласць уваходзілі Опаль, Дастоева, Моталь, Давячоравічы. У 1557 годзе праведзена Валочная памера Дружылавіцкай воласці.