Дзяцькава (руск.: Дятьково) — горад (з 1938 года) у Расіі, адміністрацыйны цэнтр Дзяцькаўскага раёна Бранскай вобласці. Насельніцтва 33,2 тыс. чалавек (2005). Заснаваны ў 1626 годзе.
Горад размешчаны на паўднёвых схілах Смаленска-Маскоўскага ўзвышша на рацэ Балва.
У час Вялікай Айчыннай вайны пакінуты войскамі Чырвонай Арміі 9 кастрычніка 1941 г., вызвалены 5 верасня 1943 г. войскамі Бранскага фронту ў ходзе Бранскай аперацыі[2].
Указам Прэзідыума Вярхоўнага Савета СССР ад 6 верасня 1983 г. горад узнагароджаны ордэнам Вялікай Айчыннай вайны I ступені[2].
У горадзе — завод «Дзяцькаўскі крышталь» (выпускае крыштальныя вырабы, шкляны посуд, сувеніры), АТ «Рэле» (рэле, тэрмарэгулятары), АТ «Дзяцькаўскае праектна-прамыслова-будаўнічае аб’яднанне» (зборныя жалезабетонныя канструкцыі), АТ «Дзяцькаўскі завод Лесбуддэталь», АТ «Дзяцькава-ДОЗ» (мэбля) і іншыя прадпрыемствы. Харчовая прамысловасць.