Дзюра́нс (фр.: Durance) — рака на паўднёвым усходзе Францыі, левы прыток ракі Рона (басейн Міжземнага мора).
Даўжыня ракі 323,5[1] (350[2]) км. Плошча вадазбору 14 342[1] км². Сярэдні расход вады 190[2] м³/с. Выток ракі знаходзіцца ў Коцкіх Альпах[2]. Перасякае адгор’і Праванскіх Альпаў і працякае па Ронскай нізіне[2]. Упадае ў Рону каля горада Авіньён. Жыўленне ракі снегавое (у верхнім цячэнні) і дажджавое. На рацэ каскад ГЭС.