wd wp Пошук: ⬜

Дзмітрый Васілевіч Рэкіш

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Дзмітрый Рэкіш (нар. 14 верасня 1988, Бабруйск) — беларускі футбаліст, паўабаронца грузінскага клуба «Тэлаві».

Клубная кар’ера

Выхаванец СДЮШАР-5 горада Бабруйска. У 2004 годзе ўвайшоў у склад мінскага «Дынама». 3 2010 года стала асвоіўся ў асноўным складзе каманды. У студзені 2011 года, пакінуўшы «Дынама»[2], знаходзіўся на праглядзе ў «Амкары», але з-за змены трэнера ў пермскай камандзе атрымаў адмову. Таксама іграком цікавілася «Кубань», але 21 лютага Дзмітрый падпісаў арэнднае пагадненне з варшаўскай «Палоніяй» да чэрвеня 2011 года з правам выкупу. Не зайграўшы ў Польшчы, у верасні спрабаваў працаўладкавацца ў чэшскім клубе «Славацка»[3]. 27 кастрычніка скасаваў працоўнае пагадненне з мінскім «Дынама» і стаў свабодным агентам[4].

У лістападзе нямецкі клуб Другой Бундэслігі «Фартуна» запрашаў Рэкіша на прагляд. Таксама ў зімовае міжсезонне пабываў у стане «Бунёдкара», агдамскага «Карабаха» і «Гомеля».

15 сакавіка 2012 года падпісаў гадавы кантракт з клубам «Тарпеда-БелАЗ»[5]. Не здолеў замацавацца ў аснове, і ў кастрычніку 2012 года разарваў кантракт з жодзінскім клубам[6].

У сакавіку 2013 года перайшоў у гродзенскі «Нёман»[7]. Трывала гуляў у аснове гродзенскага клуба. У ліпені 2013 года кантракт з «Нёманам» па ўзаемнай дамоўленасці быў скасаваны[8].

У кастрычніку 2013 года перайшоў у клуб другога чэшскага дывізіёна «Тршынец»[9]. За чэшскі клуб правёў 5 матчаў, забіў адзін гол.

У лютым 2014 года зноў стаў іграком «Нёмана»[10]. Зноў меў сталае месца ў асноўным складзе (звычайна на пазіцыі правага паўабаронцы), але толькі ў асобных матчах здолеў добра праявіць сабе (так, 25 мая ў матчы з «Белшынай» гол і галявая перадача Рэкіша, які выйшаў на замену ў другім тайме, дапамаглі «Нёману» вырваць перамогу — 4:3). У кастрычніку 2014 другі раз пакінуў «Нёман»[11].

У сакавіку 2015 года далучыўся да літоўскага клуба «Спірыс»[12]. З 11 галамі стаў адным з найлепшых бамбардзіраў клуба ў сезоне 2015, дапамог камандзе заняць пятае месца ў чэмпіянаце. Па заканчэнні сезона 2015 пакінуў «Спірыс», у пачатку 2016 трэніраваўся разам з «Іслаччу». У сакавіку 2016 года цікавасць да паўабаронцы стаў праяўляць «Тракай», з якім хутка быў падпісаны кантракт[13].

У жніўні 2016 года перайшоў у «Тарпеда-БелАЗ»[14]. У жодзінскім клубе стаў чаргаваць выхады ў стартавым складзе і на замену. У студзені 2017 года падоўжыў кантракт з аўтазаводцамі[15]. Пачынаў сезон, выходзячы на замену, але пазней стаў часцей з’яўляцца ў стартавым складзе. З 11 галявымі перадачамі стаў адным з найлепшых асістэнтаў чэмпіянату. Па заканчэнні сезона ў лістападзе 2017 года пакінуў «Тарпеда-БелАЗ»[16].

У студзені 2018 года праходзіў прагляд у казахстанскім «Жэтысу», але беспаспяхова[17]. У лютым 2018 года стаў іграком варонежскага «Факела»[18]. У ліпені 2018 года перайшоў у інданезійскі клуб ТІРА [19].

У сакавіку 2019 года пачаў трэніравацца з «Іслаччу» і ў выніку падпісаў кантракт з клубам[20]. У складзе «Іслачы» стаў пераважна выхадзіць на замену. У снежні 2019 года па заканчэнні кантракта пакінуў каманду[21].

У пачатку 2020 года некаторы час трэніраваўся з чысцінскім «Андэрдогам», а ў сакавіку стаў іграком бабруйскай «Белшыны»[22]. Спачатку выхадзіў на замену або заставаўся на лаўцы запасных, але неўзабаве замацаваўся ў стартавым складзе каманды і стаў адным з лідараў, хоць і не выратаваў яе ад вылету ў Першую лігу. У снежні 2020 года пакінуў бабруйскі клуб[23].

У лютым 2021 года быў прадстаўлены ў якасці іграка кутаіскага «Тарпеда»[24]. Гуляў пераважна ў стартавым складзе каманды. У лютым 2022 года перабраўся ў «Самтрэдыю» з другога грузінскага дывізіёна[25], у кастрычніку ўжо зноў гуляў у Эраўнулі лізе ў складзе «Тэлаві»[26].

Міжнародная кар’ера

Гуляў за моладзевыя зборныя Беларусі розных узростаў. 11 жніўня 2010 года ў адборачным матчы моладзевага чэмпіянату Еўропы 2011 супраць Аўстрыі выйшаў на замену на 73-й хвіліне і вызначыўся дублем (75 і 90 хвіліны)[27], што дапамагло беларускай камандзе выраўняць лік (3:3). Дзякуючы гэтаму, Беларусь трапіла ў фінальную частку чэмпіянату, дзе Рэкіш выхадзіў на замену ў чатырох матчах.

Дасягненні

02 Срэбраны прызёр чэмпіянату Беларусі (2): 2006, 2009
03 Бронзавы прызёр моладзевага чэмпіянату Еўропы: 2011, Данія

Зноскі

↑ Dmitri Rekish // Transfermarkt — 2000. Праверана 9 кастрычніка 2017.
↑ Дмитрий Рекиш покидает минское «Динамо». champ.by
↑ Рекиш так и не перешел в “Словацко”. football.by
↑ Дмитрий Рекиш стал свободным агентом Архівавана 30 верасня 2015.. sportpress.by
↑ Дмитрий Рекиш и Паскаль Менди перешли в жодинское “Торпедо-БелАЗ”. football.by
↑ Дмитрий Рекиш покинул жодинское “Торпедо”. football.by
↑ Рекиш стал игроком “Немана”. football.by
↑ Дмитрий Рекиш покинул “Неман”. football.by
↑ Дмитрий Рекиш перешел в состав чешского клуба “Тршинец”. football.by
↑ Рекиш подписал контракт с «Неманом». football.by
↑ Гродненский “Неман” расстался с четырьмя игроками. football.by
↑ Дмитрий Рекиш перешел в литовский “Спирис”. football.by
↑ Дмитрий Рекиш стал игроком литовского “Тракая”. football.by
↑ “Торпедо-БелАЗ” объявило о подписании контракта с Рекишем. football.by
↑ Рекиш, Хачатурян и Афанасьев продлили контракты с “Торпедо-БелАЗ”. football.by
↑ Девять футболистов покинули “Торпедо-БелАЗ”. football.by
↑ Рекиш не подошел «Жетысу» и вернулся в Беларусь. by.tribuna.com
↑ Дмитрий Рекиш перешел в стан аутсайдера российской ФНЛ. football.by
↑ Рекиш перешел в индонезийский клуб ТНИ. by.tribuna.com
↑ “Ислочь” подписала контракт с Рекишем. football.by
↑ Футбол. Лайонел Адамс, Кирилл Сидоренко, Михаил Афанасьев и Дмитрий Рекиш покинули “Ислочь”. pressball.by.
↑ Рекиш перешел в “Белшину”. football.by.
↑ Ковель, Рекиш, Глебко и Кучинский ушли из “Белшины”. football.by.
↑ Дмитрий Рекиш перешел в “Торпедо” Кутаиси. football.by.
↑ Рекиш перешел в клуб второго грузинского дивизиона. football.by.
↑ Дмитрий Рекиш вернулся в сильнейший дивизион Грузии. football.by.
↑ Пратакол матча Аўстрыя - Беларусь. football.by

Спасылкі

Профіль на афіцыйным сайце «Нёмана» (руск.)