Джэймс Артур (англ.: James Greig Arthur, нар. 18 мая 1944, г. Гамільтан, Канада) — канадскі матэматык. Прафесар Таронцкага ўніверсітэта, член Канадскага (1980) і Лонданскага (1992) каралеўскіх таварыстваў, замежны член НАН ЗША (2014). Адзіны матэматык, удастоены вышэйшай навуковай канадскай узнагароды Залатога медаля Герхарда Герцберга (1999).
Скончыў Таронцкі ўніверсітэт (бакалаўр матэматыкі і фізікі, 1966, магістр 1967). Ступень доктара філасофіі па матэматыцы атрымаў у Ельскім універсітэце ў 1970 годзе пад кіраўніцтвам Роберта Лэнглендса. У 1970—1976 гадах выкладаў там жа. Выкладаў у Прынстанскім універсітэце, а з 1976 года — ва Універсітэце Дзьюка, з 1978 года — у альма-матар у Таронта. У 1987 годзе стаў універсітэцкім прафесарам Таронцкага ўніверсітэта.
У 2005—2006 гадах прэзідэнт Амерыканскага матэматычнага таварыства, яго фэла з 2012 года. Замежны ганаровы член Амерыканскай акадэміі мастацтваў і навук.