wd wp Пошук: ⬜

Джорджа Андраевіч-Кун

Джо́рджа Андрае́віч-Кун (сербск.: Ђорђе Андрејевић-Кун; 31 сакавіка 1904, Брэслау Германская імперыя — 17 студзеня 1964, Бялград, СФРЮ) — сербскі жывапісец і графік.

Біяграфія

Джорджа Андраевіч-Кун нарадзіўся ў Германскай Сілезіі, у сям’і серба і немкі. У самым пачатку Першай сусветнай вайны сям’я выехала ў Бялград. У 1920—1925 гадах вучыўся ў бялградскай Акадэміі прыкладных мастацтваў. У 1926—1928 гадах працягнуў вучобу ў Венецыі і Рыме, у 1928—1929— у Парыжы.

У 1931 годзе яго праект герба горада Бялграда атрымаў на ананімным конкурсе[4] першую прэмію[5]. У 1931—1932 годзе правёў персанальныя выстаўкі ў Бялградзе, Заграбе і Нові-Садзе. У 1934 годзе Андрэевіч-Кун наведаў Маскву і захапіўся «сацыялістычным рэалізмам». У тым жа годзе ўдзельнічаў у стварэнні арт-групы югаслаўскіх мастакоў «Život» (Жыццё).

Камуніст. У складзе інтэрнацыянальных брыгад удзельнічаў у 1936—1939 гадах у грамадзянскай вайне ў Іспаніі. У 1941—1945 гадах у народна-вызваленчай барацьбе ў Югаславіі.

Прафесар Бялградскага ўніверсітэта. Прэзідэнт Югаслаўскай федэрацыі мастакоў.

Памёр 17 студзеня 1964 года ў Бялградзе.

Творчасць

Заснавальнік сац.-крытычнага кірунку ў сербскім мастацтве 1930-х гг. Аўтар станковых кампазіцый «Маці» (1937), «Калона» (1946), «У Парыжы» (1950), цыкла гравюр па дрэве «Крывавае золата» (1934), «За свабоду» (1937) і інш[6].

Зноскі

1 2 Djordje Andrejevic Kun // RKDartists
↑ Djordje Andrejević-Kun // Artists of the World Online, Allgemeines Künstlerlexikon Online, AKL Online / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — doi:10.1515/AKL
↑ Bibliothèque nationale de France Ðorđe Andrejević Kun // data.bnf.fr: платформа адкрытых даных — 2011.
↑ У ім удзельнічала 56 чалавек.
↑ Герб Бялграда аўтарства Д. Андраевіча-Куна застаецца дзеючым і сёння.
↑ Андраевіч-Кун Джорджа. Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 1: А — Аршын. — 552 с. — 10 000 экз. — ISBN 985-11-0036-6 (т. 1), ISBN 985-11-0035-8.

Літаратура

Андраевіч-Кун Джорджа // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 1: А — Аршын. — 552 с. — 10 000 экз. — ISBN 985-11-0036-6 (т. 1), ISBN 985-11-0035-8.

Спасылкі

На Вікісховішчы ёсць медыяфайлы па тэме Джорджа Андраевіч-Кун