Джон Кітс (англ.: John Keats; 31 кастрычніка 1795, Лондан — 23 лютага 1821, Рым) — вялікі англійскі паэт-рамантык. У шэрагу з Байранам і Шэлі, з’яўляўся адной з ключавых фігур другога пакалення рамантычных паэтаў, нягледзячы на толькі чатырохгадовы перыяд публікацыі яго твораў. Паэзіі Кітса ўласціва пачуццёвая вобразнасць, якая найбольш значна выявілася ў серыі яго одаў, якія і пагэтуль застаюцца найбольш вядомымі паэмамі англійскай літаратуры.