Джавані Ланфранка (іт. Giovanni Lanfranco; 26 студзеня 1582, Парма — 30 лістапада 1647, Рым) — італьянскі жывапісец, выбітны прадстаўнік фрэскавага роспісу высокага барока. Апроч фрэсак Ланфранка знакаміты сваімі алтарнымі карцінамі.
Джавані Ланфранка вучыўся ў Балонні ў Агасціна Карачы, а пазней у яго брата — Анібале Карачы. Апошні садзейнічаў свайму вучню ў атрыманні заказаў на афармленне палаца Фарнезэ. Потым Ланфранка жыў і працаваў у родным горадзе, а таксама ў П’ячэнцы, а пазней зноў з’явіўся ў Рыме. Вялікі роспіс купала «Ушэсце Марыі» карыстаўся асаблівым поспехам.
У 1634 г. рушыла ўслед праца па роспісе царквы ордэна езуітаў «Gesù Nuovo» у Неапалі. Апошняй працай Джавані Ланфранка былі роспісы капэлы «Сан Карла Катэнары».
Гісторыкі мастацтва адносяць творчасць Джавані Ланфранка да пераходнага перыяду ў італьянскім жывапісе — ад школы Карачы да манеры пісьма П’етра да Картана. Адной з вучаніц Ланфранкі была мастачка Кацярына Джыназі.