Джаакіна Альберціні (італ.: Albertini, 30 лістапада 1748, Пезара — 27 сакавіка 1812, Варшава) — кампазітар, аўтар опер[2]. У 1781-84 быў першым дырэктарам капэлы Радзівілаў у Нясвіжы і Варшаве[3], дырыжыраваў тут аперэтай «Агатка» Я. Голанда ў 1784 годзе[2].
У 1786 годзе ён прыехаў у Рым, дзе выкладаў спевы, і ў той жа час ён быў на службе ў князя Станіслава Панятоўскага[3]. У 1804 годзе вярнуўся ў Варшаву, дзе і памёр[3].
Альберціні аўтар шэрагу вядомых п’ес, асабліва ў Рыме і Польшчы[3]. Яго опера «Дон Жуан», лібрэта для якой было адначасова напісана па польскай і італьянскай мовах, стала адной з першых опер, праспяваных на польскай.