«Гнеў Тытанаў» (англ.: Wrath of the Titans) — фэнтэзійны фільм рэжысёра Джонатана Лібесмана, сіквел Бітвы Тытанаў. Сусветная прэм’ера адбылася 28 сакавіка 2012 года (у Беларусі — 29 сакавіка).
Праз дзесяць гадоў пасля перамогі над Кракенам Персей вядзе сціплае жыццё вясковага рыбака і ў адзіночку выхоўвае сына Геліяса. А тым часам паміж багамі і тытанамі бушуе вайна за ўладу. Ізноў саслабленыя недахопам чалавечай веры, багі губляюць кантроль над палоннымі тытанамі і іх лютым правадыром (і бацькам Зеўса, Аіда і Пасейдона) Кронасам. Даўным-даўно трыумвірат зрынуў магутнага бацьку, кінуўшы яго гнісці ў змрочныя бездані Тартара.
Персей не ў сілах супрацьстаяць гуканню продкаў, бо Аід разам з сынам Зеўса Арэсам заключылі з Кронасам пагадненне і вырашылі дапамагчы яму зрынуць Зеўса. Моц тытанаў расце па меры таго, як Зеўс губляе боскую сілу, і на Зямлі разгортваецца пекла. З дапамогай царыцы Андрамеды, паўбоскага сына Пасейдона Агенора і зрынутага бога Гефеста, Персей адважна адпраўляецца ў падземны свет, каб выратаваць Зеўса, зрынуць тытанаў і абараніць чалавецтва.
Здымкі фільма праходзілі ў Лондане, Паўднёвым Уэльсе і на Канарскім востраве Тэнэрыфэ.[2]