Георгій Сямёнавіч Міцюрыч (15 красавіка 1952, г. Мазыр, Гомельская вобласць — 28 снежня 2020) — беларускі фізік-оптык. Доктар фізіка-матэматычных навук (1998), прафесар (2003).
Скончыў Мазырскі дзяржаўны педагагічны інстытут імя Н. К. Крупскай (спецыяльнасць «Агульнатэхнічныя дысцыпліны і праца. Фізіка», 1976), Гомельскі дзяржаўны ўніверсітэт (аспірантура, 1982).
Працаваў у Мазырскім дзяржаўным педагагічным інстытуце імя Н. К. Крупскай (1982—1987, фізіка-матэматычны факультэт, кафедра тэарэтычнай фізікі, выкладчык, з 1984 — намеснік дэкана), Беларускім гандлёва-эканамічным універсітэце (2002—2013, прарэктар па навуковай рабоце), Гомельскім дзяржаўным універсітэце імя Ф. Скарыны (1987—2002 і з 2014, геолага-геаграфічны факультэт, кафедра геалогіі і геаграфіі, прафесар, адначасова навуковы супрацоўнік НДС, у 1987—1996 — начальнік сектара).
Навуковыя інтарэсы: крышталяоптыка паглынальных гіратропных асяроддзяў; фотаакустычная спектраскапія гіратропных і магнітаактыўных асяроддзяў.