wd wp Пошук: ⬜

Георгій Міхайлавіч Прохараў

У Вікіпедыі ёсць артыкулы пра іншых асоб з прозвішчам Прохараў. Георгій Міхайлавіч Про́хараў[1] (руск.: Георгий Михайлович Прохоров; 29 красавіка 1934 — 12 красавіка 1997) — вучоны ў галіне хіміі нафты і торфу, доктар хімічных навук (1991).

Біяграфія

Нарадзіўся ў сяле Ківерычы[1] (Рамешкаўскі раён, Цвярская вобласць, Расія). У 1959 годзе скончыў Ленінградскую лесатэхнічную акадэмію імя С. М. Кірава. З 1975 года працаваў у Інстытуце праблем выкарыстання прыродных рэсурсаў і экалогіі АН БССР, дзе ў 1988—1994 гадах займаў пасаду загадчыка лабараторыі.

Навуковая дзейнасць

Аўтар навуковых прац па хімічнай тэхналогіі гаручых выкапняў. Займаўся даследаваннем хімічнага складу і выкарыстання тарфянога воску. Займаўся распрацоўкай новых спосабаў атрымання бітумаў з торфу і бурага вугалю, атрымання канцэнтратаў з нафтавых меркаптанаў.

Сярод апублікаваных прац:

Эмульгирующие составы, содержащие торфяной воск (разам з Г. І. Крот і Н. І. Лыч) // Новые процессы и продукты переработки торфа. — Мн., 1982;
Эфирные битумы торфа (разам з В. С. Голубевай і А. В. Гусінцавай) // Химия твёрдого топлива. — 1988, № 1;
Выделение и химическая модификация гетероорганических соединений нефтей и каустобиолитов: автореферат дис. … доктора химических наук: 05.17.07 / Моск. химико-технол. ин-т им. Д. И. Менделеева. — М., 1990.

Зноскі

1 2 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін.

Літаратура

Прохараў Георгій Міхайлавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 41. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі

Прохараў Георгій Міхайлавіч на сайце анлайн-энцыклапедыі «Беларусь у асобах і падзеях»
База патэнтаў Беларусі
Банк патентов РФ на изобретения и промышленные образцы ФИПС Роспатента (руск.)