Гаркавічы[1] (польск.: Harkawicze) — вёска ў Польшчы. Уваходзіць у склад Сакульскага павета Падляскага ваяводства, частка гміны Шудзялова.
У 1921 годзе ў вёсцы было 36 дамоў і 246 жыхароў, усе яны былі праваслаўнымі[2].
Пасля заканчэння Другой сусветнай вайны некаторыя беларускія жыхары вёскі выехалі на сталае жыхарства ў Беларускую ССР, а польскія рэпатрыянты з-за Лініі Керзана прыйшлі на іх месца. Аднак праз дрэннае прыняцце рэпатрыянтамі жыхароў вёскі, планавалася перасяліць усіх ураджэнцаў у БССР, што, аднак, так і не атрымалася[3].
У 1975—1998 гадах вёска ўваходзіла ў склад Беластоцкага ваяводства.