Ганс Мемлінг
Ганс Мемлінг (ням.: Hans Memling, нідэрл.: Jan van Mimmelynghe, лац.: Johannes Memmelinc або Memlinc; 1433/1435, Зелігенштат — 11 жніўня 1494, Бругэ) — нідэрландскі жывапісец. З’яўляецца буйнейшым мастаком ранняга нідэрландскага Адраджэння.[3]
Біяграфічныя звесткі
Ураджэнец Гесэна. Вучыўся, магчыма, у Рагіра ван дэр Вейдэна; зведаў уплыў яго і Яна ван Эйка. З 1465 працаваў у Бругэ, дзе ёсць музей яго імя.
Творчасць
У творчасці Г. Мемлінг спалучаў познагатычныя і рэнесансныя рысы.[4] Ужо ў ранніх яго работах відавочна імкненне надаць сакральным тэмам узвышаны сэнс, а ўсяму зямному — ідэальную прыўзнятасць.[3]
Значную колькасць твораў жывапісца складаюць невялікія па памерах кампазіцыі апавядальнага характару, у якія ён часта ўводзіць выявы людзей, не звязаных з асноўным сюжэтам («Алтар Адрыяна Рэйнса», 1480; «Страсці Хрыстовы», каля 1470; «Сем радасцей Марыі», каля 1480; «Дабравешчанне», каля 1482). Мастак выканаў многа партрэтаў — як самастойных твораў, так і выяў данатараў. Так, у рабоце «Алтар Марціна ван Ньювенхове» на адной створцы ён піша Марыю з дзіцём, а на другой — заказчыка твора. Жывапіс дыпціха вызначаецца асаблівай светланоснасцю, а фарбы — падкрэсленай гучнасцю, што дазваляе перадаць ідэальны ў сваёй чароўнасці твар мадонны, жыццёвую рухомасць фігуры ван Ньювенхове.
Звяртаўся да адлюстравання аголенай натуры, пейзажа, анімалістычных матываў.
Зноскі
- ↑ Wyzewa T. d. Revue des deux Mondes // Revue des Deux Mondes / F. Buloz — 1889. — Vol. tome 92. — P. 858–883. — ISSN 0035-1962; 0750-9278
- ↑ artist list of the National Museum of Sweden — 2016. Праверана 27 лютага 2016.
- 1 2 Б. Лазука (2010)
- ↑ В. Буйвал (2000)
Літаратура
- Буйвал В. Я. Мемлінг Ганс // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8.
- Лазука Б. А. Гісторыя сусветнага мастацтва. Ад старажытных часоў па XVI стагоддзе / Б. А. Лазука. — Мн.: Беларусь, 2010. — ISBN 978-985-01-0894-4
Спасылкі
-
На Вікісховішчы ёсць медыяфайлы па тэме Ганс Мемлінг
Вікіпедыя:Артыкулы з пераазначэннем значэння з Вікідадзеных
Памерлі ў Бругэ
Вікіпедыя:Спасылкі на Беларускую энцыклапедыю без нумароў старонак
Пахаваныя ў Бругэ
Вікіпедыя:Спасылкі на Беларускую энцыклапедыю з аўтарам
Мастакі паводле алфавіта
Вікіпедыя:Артыкулы з ручной вікіфікацыяй дат у картцы
Мастакі Фландрыі
Мастакі-партрэтысты Рэнесансу
Нарадзіліся ў Майнцы
Нарадзіліся ў Гесэне
Памерлі ў 1494 годзе
Паўночнае Адраджэнне
Нарадзіліся ў Зелігенштаце
Вікіпедыя:Артыкулы з крыніцамі з Вікідадзеных
Вікіпедыя:Спасылкі на Беларускую энцыклапедыю з назвай артыкула
Мастакі Германіі
Асобы
Нарадзіліся ў 1433 годзе
Памерлі 11 жніўня