wd wp Пошук:
    ⬜

    Віліс Таўэр

    Віліс Таўэр (англ.: Willis Tower), да 2009 года — Сірс Таўэр (англ.: Sears Tower), — небаскроб, які знаходзіцца ў горадзе Чыкага, ЗША. Яго вышыня складае 442 м, колькасць паверхаў — 110. Пачатак будаўніцтва — жнівень 1970 года[5], канчатак — 4 мая 1973 года. Сёння Віліс Таўэр з’яўляецца самым вялікім будынкам у Злучаных Штатах Амерыкі, а падчас завяршэння будаўніцтва ён быў самым высокім у свеце. Галоўны архітэктар — Брус Грэм, галоўны праекціроўшчык (інжынер праекта) — Фазлур Хан.

    Канструкцыя будынка

    Плошча будынка складае больш за 418000 м²[6]. Небаскроб мае 104 ліфты, якія дзеляць будынак на тры зоны і дапамагаюць людзям арыентавацца ў ім. Знешне будынак пакрыты чорным алюмініем з 16 тысячамі вакон з цёмным шклом. Шэсць аўтаматычных машын для мыйкі вакон чысцяць ўвесь будынак восем раз у год. На даху Віліс Таўэра знаходзяцца дзве вялікія тэлевізійныя антэны.

    Вышыня

    Вышыня Віліс Таўэра складае 442 метра, з антэнамі — 527 метраў. Ён з’яўляецца самым высокім будынкам і другім па вышыні асобнастаячым збудаваннем Паўночнай і Паўднёвай Амерыкі. У жніўні 2009 Віліс Таўэр быў пятым па вышіні асобнастаячым збудаваннем у свеце пасля Бурдж-Халіфа, Тэлевежы Гуанчжоў, Сі-Эн Таўэрa і Астанкінскай тэлевежы.

    Пляцоўка для агляду

    Пляцоўка для агляду ў Сірс Таўэр была адкрыта 22 чэрвеня 1974 года. Размешчаная на 103 паверсе на вышыні каля 420 метраў, сёння гэта адзін з самых папулярных турыстычных атракцыёнаў у Чыкага.

    У студзені 2009 года новыя уладальнікі Віліс Таўэра пачалі мадэрнізацыю пляцоўкі. Яны таксама усталявалі цалкам шкляныя балконы (скайдэкі), праз падлогу якіх можна разглядзець вуліцу. Такім чынам з гэтых скайдэкаў адкрываецца від на возера Мічыган, даун-таун Чыкага і вуліцы, што знаходзяцца пад балконамі. Скайдэкі былі адкрыты для турыстаў 2 ліпеня 2009 года.

    Галерэя

    Зноскі

    1. ↑ archINFORM — 1994. Праверана 30 ліпеня 2018.
    2. ↑ archINFORM — 1994. Праверана 31 ліпеня 2018.
    3. 1 2 3 http://www.skyscrapercenter.com/building/willis-tower/169
    4. ↑ http://www.emporis.com/building/willis-tower-chicago-il-usa
    5. ↑ World Book, Inc. The World Book encyclopedia. — Том 17. — World Book, 2000. — ISBN 0716601001. — ISBN 9780716601005.
    6. ↑ Chris Oxlade. Skyscrapers and Towers. — Raintree Steck-Vaughn, 1996. — С. 41. — 48 с. — ISBN 0817243291. — ISBN 9780817243296.

    Спасылкі

    Тэмы гэтай старонкі (6):
    Катэгорыя·Небаскробы
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Будынкі і збудаванні паводле алфавіта
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Будынкі і збудаванні Чыкага
    Катэгорыя·Вышынныя збудаванні без геаграфічных каардынат