Астанкінская тэлевежа — тэлевізійная і радыёвяшчальная вежа, размешчаная ў Маскве. Вышыня — 540 м, чацвёрты ў свеце паводле вышыні будынак пасля небаскроба Бурдж-Халіфа (Дубай), тэлевежы Гуанчжоў (Гуанчжоў) і тэлевежы Сі-Эн Таўэр (Таронта).
Галоўны канструктар — Н. В. Нікіцін. Інжынеры — М. А. Шкуд і Б. А. Злобін. Галоўны архітэктар — Л. І. Баталаў. Архітэктары — Д. І. Бурдзін, М. А. Шкуд і Л. І. Шчыпакін. Рашэнне пра будаўніцтва вежы было прынята ў 1957 годзе, будаўніцтва вялося ў 1963—1967 гадах. Тым часам гэта быў самы высокі будынак свету.