У Вікіпедыі ёсць артыкулы пра іншых асоб з прозвішчам Цярэшчанка. Віктар Іванавіч Цярэшчанка — беларускі палітык, кандыдат эканамічных навук[1], кандыдат на пасаду прэзідэнта Рэспублікі Беларусь на выбарах 2010 года.
Нарадзіўся 30 студзеня 1950 года ў вёсцы Дубраўка Краснапольскага раёна Магілёўскай вобласці ў сялянскай сям’і. Беларус. Беспартыйны. Жанаты, выхоўвае трох дачок.
У 1975 годзе Скончыў эканамічны факультэт Гомельскага дзяржаўнага ўніверсітэта. Навучаўся ў Міжнародным інстытуце менеджменту (Кіеў, Украіна), Дэлавэрскім універсітэце (ЗША). У 1990 годзе атрымаў навуковую ступень МВА — Master of Business Аdministration in International Business Activities. Працаваў слесарам, фрэзэроўшчыкам, інжынерам, кіраўніком.
1992—2004 — генеральны дырэктар СТАА «Міжнародны інстытут менеджменту «МІМ-Беларусь»».
1993—2004 — старшыня Беларускага грамадскага аб’яднання «Народная дыпламатыя».
1994—2000 — старшыня Беларускай народнай партыі. Вылучаўся ў кандыдаты на выбарах прэзідэнта Рэспублікі Беларусь ў 1994 годзе.
Жнівень-верасень 1994 — начальнік упраўлення па справах тэрыторый Адміністрацыі Прэзідэнта Рэспублікі Беларусь.
Дэпутат Вярхоўнага Савета Рэспублікі Беларусь 13 склікання[2].
2001 — вылучаўся ў кандыдаты на выбарах прэзідэнта Рэспублікі Беларусь.
2004—2005 — кіраўнік прадстаўніцтва аўтаномнай некамерцыйнай міжнароднай арганізацыі «Выканкам Рады славянскіх народаў Беларусі, Расіі, Украіны» ў Рэспубліцы Беларусь.
Працуе Старшынёй Рады «Асацыяцыя малога і сярэдняга прадпрымальніцтва».
Аўтар больш 70 навуковых і дзяржаўных работ па праблеме развіцця Беларусі[2]. Удзельнік ліквідацыі наступстваў аварыі на Чарнобыльскай АЭС.