Вялі́кія Сяхно́вічы[2] (трансліт.: Vialikija Siachnovičy, руск.: Великие Сехновичи) — вёска ў Беларусі, у Жабінкаўскім раёне Брэсцкай вобласці. Уваходзіць у склад Крыўлянскага сельсавета.
У 1903—1920-я гады ў Сяхновічах дзейнічаў крухмальны завод[3]. У 1940—1954 гадах цэнтр Сяхновіцкага сельсавета. З 16 ліпеня 1954 года па 13 кастрычніка 1961 года ў складзе Мацеевіцкага сельсавета, з 1961 года ў складзе Крыўлянскага сельсавета[4]. 7 лютага 1967 года да вёскі далучаны пасёлак крухмальнага завода[5].