wd wp Пошук: ⬜

Вышэйшы Гаспадарчы суд Рэспублікі Беларусь

Вышэйшы Гаспадарчы Суд Рэспублікі Беларусь (ВГС РБ) — судовая ўстанова, якая вырашала ў межах сваіх паўнамоцтваў гаспадарчыя спрэчкі паміж прадпрыемствамі, установамі, арганізацыямі, калгасамі, сумеснымі прадпрыемствамі, дзяржаўнымі і іншымі органамі, а таксама з’яўлялася нагляднай інстанцыяй за рашэннямі гаспадарчых судоў ніжэйшых звёнаў. Арганізацыя, парадак дзейнасці і кампетэнцыя суда былі вызначаны заканадаўствам Рэспублікі Беларусь.

Створаны ў 1991 годзе. У 2006 годзе, Вышэйшы Гаспадарчы суд адмовіў незалежным газетам у распаўсюдзе праз дзяржаўную сетку-манапаліста.

Згодна з Дэкрэтам Прэзідэнта Рэспублікі Беларусь ад 29 лістапада 2013 года № 529, 1 студзеня 2014 года Вышэйшы Гаспадарчы Суд Рэспублікі Беларусь скасоўваўся. Большасць супрацоўнікаў гэтай установы ўвайшла ў склад Калегіі Вярхоўнага Суда Рэспублікі Беларусь

Задачы

Асноўнымі задачамі Вышэйшага Гаспадарчага суда была абарона правоў і інатрэсаў арганізацый, захаванне законнасці ў эканамічных адносінах; забеспячэнне аднолькавага і правільнага выкарыстання заканадаўства пры вырашэнні гаспадарчых спрэчак.

Паўнамоцтвы

Паводле закона Вышэйшы Гаспадарчы суд меў паўнамоцтвы на:

разгляд спраў па першай інстанцыі, у парадку нагляду і касавання ды па зноў выяўленых абставінах;
запыт у Канстытуцыйны Суд заключэння аб адпаведнасці заканадаўства Канстытуцыі і іншаму заканадаўству вышэйшага парадку;
вывучэнне, абагульненне і тлумачэнне ўжыцця заканадаўства аб прадпрымальніцтве;
нагляд за выкананнем гаспадарчымі судамі пастановаў Пленума ВГС;
дапамога судздзям гаспадарчых судоў ва ўжыцці законаў;
прапанову змены заканадаўства аб прадпрымальніцтве;
прыём справаздач судздзяў аб дзейнасці гаспадарчых судоў і праверка іх супрацоўнікаў сумесна з Міністэрствам юстыцыі;
вядзенне падлікаў у гаспадарчых судах;
забеспячэнне гаспадарчых судоў супрацоўнікамі сумесна з Міністэрствам юстыцыі;
супрацу з замежнымі судамі і міжнароднымі арганізацыямі [1].

Склад

Вышэйшы Гаспадарчы суд складаўся з 16 суддзяў, якія прызначаліся прэзідэнтам Рэспублікі Беларусь па ўзгадненні з Саветам Рэспублікі Нацыянальнага сходу Рэспублікі Беларусь.

Старшыні Вышэйшага Гаспадарчага суда

Уладзімір Васілевіч Бойка (чэрвень 1991 — кастрычнік 2001)
Віктар Сяргеевіч Камянкоў (кастрычнік 2001 — 14 чэрвеня 2013)

Зноскі

↑ Кодэкс Рэспублікі Беларусь аб судаўладкаванні і статусе судздзяў(недаступная спасылка)

Літаратура

Вышэйшы Гаспадарчы суд Рэспублікі Беларусь // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — С. 334. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.