У гэтага паняцця ёсць і іншыя значэнні, гл. Вольта (значэнні). Во́льта[2] (Volta) — рака ў Заходняй Афрыцы (Гана і Буркіна-Фасо).
Утвараецца зліццём рэк Белая Вольта і Чорная Вольта. Даўжыня ракі каля 1400 (1600)[1][3] км ад вытокаў Чорнай Вольты. Плошча вадазбору 394 000 (398 000[3]) км². Упадае ў заліў Бенін Гвінейскага заліва, утвараючы забалочаную дэльту[2]. Сярэдні расход вады 1288[1] м³/с. Аб’ём сцёку 43[2] км³/год. Моцна разліваецца ў перыяд з ліпеня па кастрычнік. Асноўныя прытокі: Оты (левы), Афрам (правы)[2].
На рацэ маюцца плаціны гідраэлектрастанцыі «Акасомба», парты Кетэ-Крачы і Акасомба. Суднаходная на адлегласці 400[2] км ад вусця.