wd wp Пошук: ⬜

Валянцін Георгіевіч Саўкін

Валянцін Георгіевіч Са́ўкін[1] (нар. 20 лістапада 1932) — вучоны ў матэрыялазнаўства, доктар тэхнічных навук (1984), прафесар (1990).

Біяграфія

Нарадзіўся ў горадзе Гомель. У 1959 годзе скончыў Беларускі інстытут інжынераў чыгуначнага транспарту. З 1963 па 2007 год працаваў у Інстытуце механікі металапалімерных сістэм імя У. А. Белага Нацыянальнай акадэміі навук Беларусі.

Навуковая дзейнасць

Аўтар прац па структуры і фізіка-механічных уласцівасцях палімераў і кампазіцыйных матэрыялаў, вывучэнню трэння і зносу палімерных матэрыялаў. Распрацаваў новы навуковы кірунак — структурную трыбамеханіку палімераў. сааўтар шэрагу патэнтаў на вынаходствы.

Сярод апублікаванага:

Влияние надмолекулярных структур на механические свойства поликапролактама. — Гомель—Москва, 1966;
Трение и износ на основе полимеров. / Академия наук Белорусской ССР, Институт механики металлополимерных систем. — Мн.: Наука и техника, 1976. (разам з У. А. Белым, М. І. Петракаўцом, А. І. Свірыдзёнкам);
Структурная трибомеханика материалов на основе полимеров (разам з А. І. Свірыдзёнкам) // Трение и износ, 1980, т. 1, № 1.

Узнагароды

Лаўрэат Дзяржаўнай прэміі БССР 1972 года за распрацоўку тэарэтычных асноў стварэння фрыкцыйных матэрыялаў і канструкцый з палімераў і металапалімераў і ўкараненне іх у народную гаспадарку.

Зноскі

↑ БелЭн, 2002

Літаратура

Саўкін Валянцін Георгіевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 197. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Савкин Валентин Георгиевич (к 75-летию со дня рождения) // Трение и износ, том 28, № 9, 2007. — С. 642—643.(руск.)

Спасылкі

Саўкін Валянцін Георгіевіч на сайце анлайн-энцыклапедыі «Беларусь у асобах і падзеях»
Банк патентов РФ на изобретения и промышленные образцы ФИПС Роспатента (руск.)
Блокада // Российская национальная библиотека (руск.)