wd wp Пошук:
    ⬜

    Вайна ў Агадэне

    Не блытаць з Вайна за Агадэн (1977—1978).

    Вайна ў Агадэне — узброены канфлікт паміж Эфіопіяй, агаденскімі сепаратыстамі і ісламісцкімі групоўкамі ў правінцыі Агадэн.

    Агляд

    У Агадэне дзейнічае паўстанцкая ўзброеная групоўка Фронт нацыянальнага вызвалення Агадэна, якая з 1994 года вядзе ўзброеныя дзеянні супраць Эфіопіі. Мэта групы мянялася з цягам часу, першапачаткова ФНВА заяўляў, што хоча больш шырокай аўтаноміі для Агадэна ў Эфіопіі, аднак з часам групоўка заявіла пра тое, што змагаецца за поўную незалежнасць рэгіёну ад Эфіопіі. Таксама прадстаўнікі ФНВА выступаюць за аднаўленне Вялікага Самалі. Дадзены канфлікт у значнай ступені зачынены для ўвагі знешняга свету, так як Адыс-Абеба трымае ў таямніцы ўсё, што адбываецца ў гэтым рэгіёне[7].

    Нізкі ўзровень партызанскай вайны працягваецца па гэты дзень. Вылазкі паўстанцаў ФНВА, як правіла, асвятляюцца толькі замежнымі сродкамі масавай інфармацыі, у той час як мясцовае тэлебачанне Эфіопіі замоўчвае праўду пра канфлікт. У 2007 годзе, ФНВА здзейсніў напад на нафтаноснае радовішча ў Аболе, у выніку якога загінулі 9 кітайскіх рабочых з кампаніі Sinopec і 61 эфіоп са службы аховы аб’екта[8]. У адказ Эфіопія пачала ваенныя дзеянні ў чэрвені 2007 года, з мэтай знішчыць групоўку паўстанцаў. Наступленне суправаджалася высокай крытыкай і абвінавачваннямі ў сур’ёзных парушэннях правоў чалавека[9]. Ваенныя дзеянні ў Агадэне былі цесна звязаны з удзелам Эфіопіі ў Самалійскай грамадзянскай вайне, так як адной з прычын для нападу Эфіопіі на Саюз ісламскіх судоў у снежні 2006 года было ў тым, каб перарэзаць сувязь паміж ФНВА і СІС[9].

    Прадмова

    Карта баявых дзеянняў у Агадэне.

    У склад Эфіопіі дадзены рэгіён увайшоў у сярэдзіне дзевятнаццатага стагоддзя і быў месцам амаль пастаяннага напружання паміж Самалі і Эфіопіяй з 1960-х гадоў. Канфлікт перайшоў у стан вайны ў канцы 1970-х, калі тагачасны прэзідэнт Самалі — Сіяд Барэ, паспрабаваў рэалізаваць праект Вялікага Самалі. Вайна працягвалася амаль год і скончылася перамогай Эфіопіі.

    ФНВА быў утвораны ў 1984 годзе. У яго склад уліліся былыя байцы Фронту вызвалення Заходняга Самалі, аднак падтрымкі з боку Самалі ім не аказвалася[10].

    ФНВА прымаў удзел у грамадзянскай вайне ў Эфіопіі, калі яны змагаліся супраць ЧВАС і ваеннай дыктатуры Менгісту Хайле Марыям, але пры гэтым не былі звязаныя з іншымі групоўкамі. Пасля падзення рэжыму Менгісту ў 1992 годзе, ФНВА увайшоў у склад урада новаўтворанага Самалійскага рэгіёну Эфіопіі, стаўшы там адной з галоўных палітычных партый. Пасля Фронт нацыянальнага вызвалення Агадэна заняўся адкрытай прапагандай сепаратызму, што прывяло да яго адхілення ад удзелу ў рабоце ўрада ў 1994 годзе і пераходу на цалкам нелегальнае становішча[9].

    Эрытрэя і Самалі ў канфлікце

    Эфіопія абвінавачвае суседнюю краіну Эрытрэю ў падтрымцы ФНВА і падпарадкаванні апасродкаванай вайны з мэтай знішчыць эканоміку Эфіопіі. Гэтыя дзве краіны сталі лютымі ворагамі, пасля кровапралітнага канфлікту ў 1998-2000 гадах. Службовыя асобы ў Асмэры адмаўляюць факт аказання дапамогі ФНВА. Яны абвінавачваюць Эфіопію ў тым, што яна спрабуе выкарыстаць Эрытрэю ў якасці казла адпушчэння — за няздольнасць ўрэгуляваць спрэчкі з шматлікімі этнічнымі групамі ў Эфіопіі[11]. Фронт нацыянальнага вызвалення Агадэна падтрымліваў Эрытрэю ў вайне супраць Эфіопіі ў 1998—2000 гадах. У Эрытрэі ФНВА атрымліваў матэрыяльна-тэхнічную і ваенную падтрымку[4].

    У 2007—2008 гадах у Агадэне пачаліся жорсткія баі, якія былі звязаны з эфіопскай ваеннай аперацыяй у Самалі. На думку экспертаў, ФНВА прымаў актыўны ўдзел у баях супраць Эфіопіі ў сталіцы Самалі Магадзіша ў 2006 годзе. Некаторыя з ісламскіх баевікоў беглі ў Агадэн, пасля таго як яны былі выгнаны з Магадзіша[9]. Адносіны паміж ФНВА і іншай самалійскай ісламісцкай групоўкай, Джамаат Аш-Шабааб, не зусім ясныя. Хоць урад Эфіопіі сцвярджае, што ўсе самалійскія групоўкі звязаныя паміж сабой, але, на думку Human Rights Watch, паміж ФНВА і аш-Шабааб былі боесутыкнення ў 2007 годзе. ФНВА неаднаразова заяўляў, што збіраецца дыстанцыявацца ад некаторых больш радыкальных груповак, якія дзейнічаюць у дадзеным рэгіёне[4].

    Адна з апошніх эфіопскіх ваенных аперацый прайшла паспяхова. Махамед Далал і многія іншыя лідэры ФНВА былі забітыя. Гэта прывяло да расколу групоўкі, цяпер яе статус смутны[12].

    Гл. таксама

    Зноскі

    1. ↑ Archived copy (нявызн.). Архівавана з першакрыніцы 25 красавіка 2019.
    2. ↑ Торговля оружием и будущее Белоруссии
    3. ↑ Завоюет ли Беларусь позиции на глобальных рынках оружия
    4. 1 2 3 Collective Punishment: War Crimes and Crimes against Humanity in the Ogaden area of Ethiopia’s Somali Region, Human Rights Watch, June 2008
    5. ↑ “The Clear Banner: Turkish Foreign Fighters and the Ogaden”. Jihadology. Retrieved 24 May 2015.
    6. ↑ UCDP Conflict Encyclopedia: Ethiopia (нявызн.) (недаступная спасылка). Uppsala Conflict Data Program. Архівавана з першакрыніцы 12 студзеня 201612 January 2016. Праверана 2 February 2015.
    7. ↑ Unrest Simmers In Ethiopia’s Ogaden, April 15, 2008
    8. ↑ Ethiopian Rebels Kill 70 at Chinese-Run Oil Field — New York Times
    9. 1 2 3 4 Ethiopia: Crackdown in East Punishes Civilians, Human Rights Watch, July 4, 2007.
    10. ↑ Ogaden Crackdown Carries High Cost Архівавана 11 чэрвеня 2011., Inter Press Service News Agency, July 5, 2007
    11. ↑ Ethiopian Rebel Group Denies Support From Eritrea Архівавана 19 лістапада 2008., VOA, April 25, 2007
    12. ↑ Garowe Online — Home Архівавана 10 сакавіка 2009.
    Тэмы гэтай старонкі (6):
    Катэгорыя·Вялікае Самалі
    Катэгорыя·Войны XX стагоддзя
    Катэгорыя·Войны XXI стагоддзя
    Катэгорыя·Старонкі з няправільным сінтаксісам спасылак на крыніцы
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Войны Эфіопіі