Бурачо́к пустэльны[3][4], Бурачок стэпавы (Alyssum desertorum) — від кветкавых раслін з роду Бурачок (Alyssum) сямейства Капуставыя (Brassicaceae).
Аднагадовая травяністая расліна вышынёй 4—20[4] см. Сцябло з узыходнымі ад асновы галінкамі. Лісце чаргаванае, суцэльнае, завостранае або тупое, апушанае. Ніжняе лісце з кароткім чаранкамі. Кветкі бледна-жоўтага колеру, з клінападобнымі або падоўжанымі пялёсткамі. Плод — бліскучы стручок.
Сустракаецца на тэрыторыі Паўднёвай Еўропы і Азіі (Сібір, Алтай)[5]. Расце на скалах, схілах гор і узгоркаў, у стэпах, зрэдку ў хваёвых барах і на іх узлесках, як пустазелле. Цвіце ў красавіку—чэрвені.