Брэ́ра (італ.: Pinacoteca di Brera, Пінакатэка Брэра) — адна з найбуйнейшых галерэй Мілана, размешчаная ў аднайменным барочным палацца канца XVI — н. XVII стст, дзе таксама размяшчаецца міланская акадэмія мастацтваў.
У калекцыі пінакатэкі прадстаўлены працы такіх мастакоў як Амброджыа Ларэнцэці, Даната Брамантэ, Рафаэль, Мантэнья, П’еро дэла Франчэска, Джэнціле да Фабрыяна, Карпача, Цінтарэта і інш.
У галерэі 38 зал з карцінамі, размешчанымі як у храналагічным парадку, так і па школах жывапісу (венецыянская, тасканская, ламбардская), адзіным выключэннем з’яўляецца зала X, дзе знаходзяцца працы XX стагоддзя.
Брэра на Вікісховішчы |