У Вікіпедыі ёсць артыкулы пра іншых асоб з прозвішчам Лі.
Брус Лі (англ.: Bruce Lee; кітайскія імёны (дзіцячае) — Лі Сяолун (сяолун — «маленькі цмок» англ. Li Xiao Long кіт. 李小龙, (дарослае) — Лі Чжэньфань англ. Lee Jun Fan кіт. 李振藩,; 27 лістапада 1940, Сан-Францыска — 20 ліпеня 1973, Ганконг) — майстар усходніх адзінаборстваў, амерыканскі і ганконгскі кінаакцёр, а таксама кінарэжысёр, пастаноўшчык баявых сцэн, прадзюсар і сцэнарыст.
Брус Лі здолеў развіць у сабе неверагодную хуткасць, каардынацыю і сілу. Здымацца ў кіно пачаў з дзяцінства, усяго зняўся ў 36 фільмах. Папулярызаваў усходнія баявыя мастацтвы ў заходніх краінах у другой палове XX стагоддзя. Стаў легендай у галіне баявых мастацтваў і выклікаў мноства пераймальнікаў у кіно і на тэлебачанні.
Вядомы перш за ўсё дзякуючы кунг-фу-баевікам — «Кулак лютасці», «Вялікаму босу», «Выхаду дракона» і апошняй сваёй ролі ў «Гульні смерці», у якой Лі выступіў адным з пастаноўшчыкаў і сааўтарам сцэнарыя.
Пра жыццё і творчасць Бруса Лі ў свеце было знята каля 30 фільмаў.