Бра́цькавіцкі сельсавет — былая адміністрацыйна-тэрытарыяльная адзінка ў складзе Касцюковіцкага раёна Магілёўскай вобласці Беларусі. Цэнтр — вёска Брацькавічы.
Утвораны 20 жніўня 1924 года ў складзе Касцюковіцкага раёна Калінінскай акругі БССР. З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Касцюковіцкім раёне БССР, з 20 лютага 1938 года — Магілёўскай вобласці. 16 ліпеня 1954 года ў склад сельсавета са Студзянецкага сельсавета Клімавіцкага раёна перададзена вёска Восаў[1]. 8 снежня 1959 года сельсавет скасаваны, яго тэрыторыя ўвайшла ў склад зноў утворанага Забычанскага сельсавета[2].
Зноў утвораны 4 чэрвеня 1965 года ў складзе Касцюковіцкага раёна Магілёўская вобласці БССР з часткі Забычанскага сельсавета ў складзе 8 населеных пунктаў (Блудзімля, Брацькавічы, Восаў, Дубраўка, Калодзецкая, Скалін, Хамінка і Чытавыя)[3]. На 1 студзеня 1974 года ў складзе сельсавета было 8 населеных пунктаў[4]. 26 лютага 1992 года скасаваны, тэрыторыя далучана да Забычанскага сельсавета.