wd wp Пошук: ⬜

Богуміл Кафка

У Вікіпедыі ёсць артыкулы пра іншых асоб з прозвішчам Кафка.

Бо́гуміл Ка́фка (чэшск.: Bohumil Kafka; 14 лютага 1878, Нова Пака, Аўстра-Венгрыя — 24 лістапада 1942, Прага, Пратэктарат Багемія і Маравія) — чэшскі скульптар, прадстаўнік сімвалізму.

Біяграфія

Вучыўся ў 1892—1896 гадах у школе скульптараў і каменшчыкаў(чэшск.) бел. у Горжыцах(чэшск.) бел., у 1896—1898 гадах у Мастацка-прамысловай школе ў Празе, у 1898—1901 гадах у Пражскай акадэміі мастацтваў. Дзякуючы атрыманай стыпендыі ў 1904—1908 гадах жыў і працаваў у Парыжы.

У 1916—1925 гадах выкладаў у Мастацка-прамысловай школе, з 1925 года ў Пражскай акадэміі мастацтваў. Двойчы абіраўся яе рэктарам.

Памёр у Празе ад апендыцыту. Пахаваны на Вышаградскіх могілках.

Творчасць

Творчая манера адметная пошукамі прасторавай выразнасці, свабодай кампазіцый, жывапіснай пластычнасцю. Сярод работ: «Руіны жыцця» (1902), «Брукаўшчыкі», «Серна з дзіцянятамі», рэльеф «Пасля купання ў моры» (усе 1905), «Абуджэнне» (1905, 1926), «Зоркі гаснуць» (1906), праекты помнікаў К. Гаўлічаку-Бораўскаму (1924), Яну Жыжку(руск.) бел. (1931—1934; устаноўлены ў 1950 у Празе) і інш. Працаваў як партрэтыст і медальер.

Помнік Яну Жыжку на вяршыні Віткавай гары ў Празе[4]
Помнік Мілану Штэфаніку, Браціслава
Іозеф Манес, Прага
Бюст Яна Коцера, Прага

Зноскі

1 2 Czech National Authority Database Праверана 23 лістапада 2019.
1 2 The Fine Art Archive — 2003. Праверана 1 красавіка 2021.
↑ BillionGraves — 2011.
↑ У наш час гэта найбуйнейшая конная статуя ў Еўропе: вышыня — 9 метраў, з пастаментам — 22 метра, вага — 16,5 тон, бронза. Праца над статуяй пачалася ў 1931 годзе і скончылася ў 1942 годзе. Архівавана 12 мая 2014.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.

Спасылкі

На Вікісховішчы ёсць медыяфайлы па тэме Богуміл Кафка
Bohumil Kafka Архівавана 12 мая 2014.