Апендыцыт (лац.: appendicitis[3]) — запаленне чэрвепадобнага адростка сляпой кішкі (апендыкса). Адно з найбольш частых, якія патрабуюць хірургічнага лячэння, захворванняў брушной поласці.
Апендыцыт выяўляецца ў любым узросце, аднак часцей ва ўзросце 10-30 гадоў, частата сустракаемасці ў дзяцей не больш за 1-3 %; хварэюць і мужчыны, і жанчыны. Захворванне вострым апендыцытам складае 4-5 выпадкаў на 1000 чалавек у год. Сярод вострых хірургічных захворванняў органаў брушной поласці востры апендыцыт складае 89,1 %, займаючы сярод іх першае месца. Востры апендыцыт — найбольш частая прычына развіцця перытаніту.