Беларусь на дзіцячым конкурсе песні «Еўрабачанне» прымала ўдзел з моманту яго заснавання ў 2003 годзе, і да 2020 года ўключна. З’яўляецца двухкратным пераможцам дзіцячага «Еўрабачання» — у 2005 і 2007 гадах. Акрамя таго Беларусь 10 разоў уваходзіла ў топ-5 на конкурсе і толькі тры разы аказвалася па-за дзясяткай лепшых. Арганізацыю нацыянальных адбораў (а ў 2010 і 2018 гадах — і самога конкурсу) праводзіла Нацыянальная дзяржаўная тэлерадыёкампанія Рэспублікі Беларусь. Конкурс трансляваўся штогод на тэлеканале Беларусь 1 і на спадарожнікавым канале Беларусь 24. Песні на дзіцячым «Еўрабачанні» краіна прадстаўляла, у асноўным, на рускай мове.
28 мая 2021 года, праз шэсць дзён пасля фіналу дарослага конкурса 2021 года, ЕВС прыпыніў членства БТРК у арганізацыі з прычыны парушэння правоў чалавека ў краіне, бягучага пераследу апазіцыі і інфармацыйнай падтрымкі аўтарытарнага рэжыма Белтэлерадыёкампаніяй. Вяшчальнік атрымаў два тыдні (да 11 чэрвеня), каб даць адказ, перш чым прыпыненне ўступіць у сілу, але Белтэлерадыёкампанія не дала на гэта ніякага адказу[1]. 1 ліпеня вяшчальнік быў выключаны з ЕВС, і такім чынам страціў правы на трансляцыю і ўдзел у конкурсах, якія арганізуюцца Еўрапейскім вяшчальным саюзам, у тым ліку і ў «Дзіцячым Еўрабачанні»[2]. Пазней было абвешчана, што выключэнне будзе доўжыцца тры гады, аднак па заканчэнні гэтага срока БТРК прыйдзецца паўторна падаваць заяўку на членства[3].
За ўсю гісторыю ўдзелу ў конкурсе Беларусь атрымала 1848 балаў.
Пераможца | |
Другое месца | |
Трэцяе месца | |
Чацвёртае месца | |
Пятае месца | |
Апошняе месца | |
Не ўдзельнічала, або была дыскваліфікавана |
Год | Месца правядзення | Прадстаўнік | Мова | Песня | Пераклад | Месца | Балы |
---|---|---|---|---|---|---|---|
2003 | Капенгаген | Вольга Сацюк | Беларуская | «Танцуй» | 4 | 104 | |
2004 | Лілехамер | Ягор Волчак | Беларуская | «Спявайце са мною» | 14 | 9 | |
2005 | Хаселт | Ксенія Сітнік | Руская | «Мы вместе» | «Мы разам» | 1 | 149 |
2006 | Бухарэст | Андрэй Кунец | Руская | «Новый день» | «Новы дзень» | 2 | 129 |
2007 | Ротэрдам | Аляксей Жыгалковіч | Руская | «С друзьями» | «З сябрамі» | 1 | 137 |
2008 | Лімасол | Дар'я Надзіна, Аліна Молаш, Карына Жуковіч | Беларуская, руская | «Сердце Беларуси» | «Сэрца Беларусі» | 6 | 86 |
2009 | Кіеў | Юрый Дземідовіч | Руская | «Волшебный кролик» | «Чароўны трусік» | 9 | 48 |
2010 | Мінск | Данііл Казлоў | Руская | «Музыки свет» | «Музыкі святло» | 5 | 85 |
2011 | Ерэван | Лідзія Заблоцкая | Руская | «Ангелы добра» | «Анёлы дабра» | 3 | 99 |
2012 | Амстэрдам | Ягор Жэшко | Руская | «А море море» | «А мора мора» | 9 | 56 |
2013 | Кіеў | Ілля Волкаў | Руская | «Пой со мной» | «Спявай са мной» | 3 | 108 |
2014 | Марса | Надзея Місякова | Беларуская | «Сокал» | 7 | 71 | |
2015 | Сафія | Руслан Асланаў | Руская, англійская | «Волшебство» | «Чараўніцтва» | 4 | 105 |
2016 | Валета | Аляксандр Мінёнак | Руская, англійская | «Музыка моих побед» | «Музыка маіх перамог» | 7 | 177 |
2017 | Тбілісі | Хелена Мерааі | Руская | «Я самая» | «Я самая» | 5 | 149 |
2018 | Мінск | Даніэль Ястрамскі | Руская, англійская | «Time» | «Час» | 11 | 114 |
2019 | Глівіцы | Елізавета Міснікава | Руская, англійская | «Пепельный» | «Папялісты» | 11 | 92 |
2020 | Варшава | Арына Пехцерава | Руская, англійская | «Пришельцы» | «Прышэльцы» | 5 | 130 |
Год | Горад | Арэна | Вядучыя |
---|---|---|---|
2010 | Мінск | Мінск-Арэна | Лейла Ісмаілава і Дзяніс Кур'ян[4] |
2018 | Яўген Перлін, Хелена Мерааі і Zena[5] | ||