Пірэнеі Атлантычныя (фр.: Pyrenees-Atlantiques, былыя Basses-Pyrenees — Ніжнія Пірэнеі, баскск.: Pirinio Atlantikoak, акс.: Pireneus Atlantics) — дэпартамент на паўднёвым захадзе Францыі, адзін з дэпартаментаў рэгіёна Аквітанія. Парадкавы нумар — 64. Адміністрацыйны цэнтр — По, найбуйныя гарады — Баёна, Біярыц, Англет. Насельніцтва — 600 тыс. чалавек (37-е месца сярод дэпартаментаў, дадзеныя 1999 года).
Плошча тэрыторыі 7645 км². Дэпартамент, размешчаны ў межах горнай сістэмы Пірэнеяў, мае на захадзе выйсце да Атлантычнага акіяна.
Дэпартамент уключае 3 акругі, 52 кантона і 547 камун. На мяжы з Іспаніяй размешчаны самы паўднёвы горад Францыі — Андай.
Ніжнія Пірэнеі — адзін з першых 83 дэпартаментаў, створаных у сакавіку 1790 года. Знаходзіцца на тэрыторыі былых правінцый Гіень, Гасконь і Беарн, уключае Лапурдзі і іншыя паўночныя вобласці гістарычнай Краіны Баскаў. У кастрычніку 1969 года Ніжнія Пірэнеі былі пераназваны ў Пірэнеі Атлантычныя.