wd wp Пошук: ⬜

Аркадзь Сямёнавіч Шофман

У Вікіпедыі ёсць артыкулы пра іншых асоб з прозвішчам Шофман.

Аркадзь Сямёнавіч Шо́фман (15 лістапада 1913, Гарадок — 7 кастрычніка 1993, Казань) — вучоны—антыказнаўца, доктар гістарычных навук (1964), прафесар (1964). Заслужаны дзеяч навукі Рэспублікі Татарстан (1992).

Біяграфія

А. С. Шофман нарадзіўся ў горадзе Гарадок Віцебскай губерні (сучасны раённы цэнтр Віцебскай вобласці Беларусі). У 1938 годзе скончыў Ленінградскі ўніверсітэт. З 1940 г. выкладаў у педагагічным інстытуце ў Ашхабадзе. З 1948 года ў Казані, у 1946—1988 г. загадчык кафедрай усеагульнай гісторыі Казанскага ўніверсітэта.

Навуковая дзейнасць

А. С. Шофман займаўся даследаваннем гісторыі антычнай Македоніі ранняга элінізму, гістарыяграфіяй і метадалогіяй антычнай гісторыі. Падрыхтаваў больш за 50 кандыдатаў гістарычных навук.

Сярод апублікаванага:

«Восточная политика Александра Македонского» (Казань, 1976);
«Распад империи Александра Македонского» (Казань, 1984);
«Древний мир в лицах и образах» (Казань, 1990;
манаграфіі, прысвечаныя расійскім антыказнаўцам, працаваўшым на мяжы XIX—XX стст.: «Фёдор Герасимович Мищенко» (1974) і «Михаил Михайлович Хвостов» (1979)[1].

Зноскі

↑ В КФУ вспоминают выдающегося учёного Аркадия Семёновича Шофмана (руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.

Спасылкі