«Апошні бой Кастэра» (англ.: Custer’s Last Fight) — амерыканскі чорна-белы нямы кароткаметражны біяграфічны вестэрн 1912 года рэжысёра Фрэнсіса Форда. Першы фільм пра генерала Джорджа Армстранга Кастэра і яго апошні бой каля Літл-Бігхорн. Прэм’ера адбылася 4 кастрычніка 1912 года.
Фільм апавядае пра падзеі 1876 года і бітву паміж індзейцамі і 7-м кавалерыйскім палком арміі ЗША каля ракі Літл-Бігхорн. Рэшткі амерыканскіх войскаў пад камандаваннем Джорджа Кастэра вымушаны трымаць апошнюю абарону на ўзгорку пад націскам індзейцаў.
| Акцёр | Роля |
|---|---|
| Фрэнсіс Форд | Джордж Армстранг Кастэр Джордж Армстранг Кастэр |
| Грэйс Кунард[en] | Элізабэт Бэкан Кастэр Элізабэт Бэкан Кастэр |
| Дж. Барні Шэры[en] | Джэймс Маклафлін Джэймс Маклафлін |
| Уільям Ігл Шырт | Сядзячы Бык Сядзячы Бык |
| Арт Акорд[en] | салдат салдат |
| Чарлз К. Фрэнч[en] | эпізадычная роля эпізадычная роля |
| Эн Літл[en] | эпізадычная роля эпізадычная роля |
| Ліліян Крысці | эпізадычная роля эпізадычная роля |
| Том Чатэртан[en] | армейскі сяржант (нямае ў тытрах) армейскі сяржант (нямае ў тытрах) |
| Клэйтан Манро Тэтэрс | воін сіу Чырвоны Ланс (нямае ў тытрах) воін сіу Чырвоны Ланс (нямае ў тытрах) |
Фільм здымаўся на студыі «Inceville», каньён Санта-Інэс, Лос-Анджэлес[1]. У фільме бралі ўдзел больш за 2000 статыстаў. З бюджэтам у 30 000 долараў фільм быў самым дарагім на момант выхаду.
У 1924 годзе выйшла другая, дапоўненая версія фільма працягласцю 54 хвіліны[2]. Другая версія выпушчана ў 2005 годзе на DVD.