wd wp Пошук: ⬜

Анатоль Пятровіч Жураўлёў

У Вікіпедыі ёсць артыкулы пра іншых асоб з прозвішчам Жураўлёў.

Анатоль Пятровіч Жураўлёў (6 лістапада 1963, Орша, Віцебская вобласць) — беларускі мастак-жывапісец.

Біяграфія

Скончыў Віцебскі дзяржаўны тэхналагічны інстытут, дзе вучыўся на вядомым мастацка-графічным факультэте. Удзельнік выстаў з 1988 года. Член Саюза мастакоў Беларусі з 1997 года. Уваходзіць у суполку мастакоў «Аршыца»[1]. З’яўляецца аўтарам ідэі і першым куратарам доўгатэрміновага міжнароднага арт-праекту «Калегіум», арганізаванага у 2009 годзе ў адкрытых пасля рэстаўрацыі залах старажытнага Аршанскага калегіума езуітаў [2].

Удзельнік міжнароднага пленэру жывапісу ў г. Перник, Балгарыя. Удзельнічае у міжнародных мастацкіх форумах у Расіі, Беларусі, Германіі, ЗША.

Творы мастака знаходзяцца ў фондавых сходах Установы культуры «Музейны комплекс гісторыі і культуры Аршаншчыны» і экспазіцыі Аршанскай гарадской мастацкай галерэі В. А. Грамыка, у Мастацкай галерэі Полацка, Музеі сучаснага выяўленчага мастацтва ў Мінску, Карціннай галерэі Вязьмы, а гэтак жа ў прыватных калекцыях у Беларусі і за мяжой.

Удзел у выстаўках з 2008 па 2013 гады:

2008 — персанальная выстаўка «Сусвет Жураўля» ў Цэнтры сучаснага мастацтва, Віцебск
2008 — I Рэспубліканская біенале жывапісу, графікі і скульптуры, Мінск
2009 — персанальная выстаўка ў Мастацкай галерэі Полацка
2009 — «Беларускае аддзяленне 53 Венецыянскай біенале жывапісу», Мінск
2010 — «Тэрыторыя абстракцыі» ў Галерэі «Нагорная», Масква
2010 — Персанальная выстаўка «Сусвет Жураўля» ў Аршанскай гарадской мастацкай галерэі В. А. Грамыка
2010 — Выстаўка па выніках Міжнароднага пленэру «Art-ego», Полацк
2010 — Выстаўка «Абстрактны свет — Рэальны свет» у Дзяржаўным дарвінаўскай музеі, Масква
2010 — Персанальныя выстаўкі ў г. Бад Рейхбург, г. Локкум (Германія)
2012 — выстаўка «Усход-Захад. Час падарожжаў» ў Цэнтральным Доме мастака, Масква
2012 — I Беларуская трыенале сучаснага мастацтва, Мінск
2012 — Выстаўка краін СНД «Мастацтва нацый» у Цэнтральным Доме мастака, Масква
2009 — 2013 — Міжнародны штогадовы мастацкі праект «Калегіюм» у Аршанскай гарадской мастацкай галерэі В. А. Грамыка, Орша
2013 — выстаўка «Экалогія мастацтва» ў Цэнтры Сучаснага Мастацтва, Мінск
2013 — персанальная выстаўка «Сусвет Жураўля» у Музеі сучаснага мастацтва, Мінск
2013 — персанальная выстаўка «Далягляды» ў Аршанскай гарадской мастацкай галерэі В. А. Грамыка, Орша
2013 — персанальная выстаўка «Далягляды» ў Палацы мастацтва, Мінск[3]

Узнагароды

1992 — Гран-пры ў намінацыі жывапіс і габелен на выставе візуальных мастацтваў «Art-Mark»
1998 — Гран-пры на рэспубліканскай выставе «Час-Прастора-Асоба»
1998 — Першая прэмія ААН у намінацыі «Устойлівае развіццё свету»[4]

Галерэя

Адкрыццё персанальнай юбілейнай выстаўкі Анатоля Жураўлёва «Далягляды» ў Палацы мастацтва 6 лістапада 2013 года.
Уступнае слова старшыні Беларускага саюза мастакоў Рыгора Сітніцы
Уступнае слова мастацтвазнаўцы Ларысы Фінкльштэйн
Мастак с сям’ёй, Ларысай Фінкльштэйн і мастачкай Кацярынай Сумаравай

Зноскі

Спасылкі

Белорусская Деловая Газета. Анатолий Журавлев представляет «Мироздание журавля». (руск.)