Аляксандр Апанасавіч Спендыя́раў (Спендыяран; арм.: Ալեքսանդր Սպենդիարյան; 1 лістапада 1871, Кахоўка — 7 мая 1928, Ерэван) — армянскі кампазітар і дырыжор і педагог. Народны артыст Армянскай ССР (1926).
У 1895 годзе скончыў юрыдычны факультэт Маскоўскага ўніверсітэта. Вучань М. Клёнаўскага і Рымскага-Корсакава. Спендыяраў — адзін з заснавальнікаў армянскай класічнай музыкі (нароўні з Камітасам, Чухаджанам і інш.), таленавіты кампазітар, бачны музычна-грамадскі дзеяч, выхавальнік моладзі, дырыжор. Па ўласных словах, матэрыял для творчасці ён чэрпаў з народных напеваў, армянскай паэзіі, літаратуры і гісторыі. Вернасць традыцыям армянскай народнай музыкі ён спалучаў з досведам рускай музычнай класікі.