wd wp Пошук:
    ⬜

    Альянс васьмі дзяржаў

    Узброеныя сілы альянсу злева направа: Каралеўства Італія, ЗША, Францыя, Аўстра-Венгрыя, Японія, Германія, Вялікабрытанія, Расія. Створана ў Японіі, 1900.

    Альянс васьмі дзяржаў (кіт. традыцый. 八國聯軍) — ваенны альянс, у які ўвайшлі Расійская імперыя, ЗША, Германская імперыя, Вялікабрытанія, Францыя, Японская імперыя, Аўстра-Венгрыя і Італія, чые войскі ўварваліся ў Цынскі Кітай у адказ на масавыя забойствы хрысціян[1], замежнікаў і аблогу дыпламатычных місій у Пасольскім квартале Пекіна. Аб’яднаны кантынгент, часам названы Міжнароднай Вызваленчай Экспедыцыяй (МВЭ), складаўся з 45 000 салдат краін Альянсу. Агульнае камандаванне МОЭ ажыццяўляў генерал-лейтэнант М. П. Ліневіч, затым генерал-фельдмаршал Альфрэд фон Вальдерзее.

    У ходзе кампаніі саюзныя войскі ўступілі ў Пекін, дэблакавалі пасольствы, задушылі Баксёрскае паўстанне ў жніўні 1900 года і разбілі імператарскую армію Кітая[2]. Імперскім уладам прыйшлося падпісаць няроўны Заключны пратакол[3].

    Ход падзей

    У сярэдзіне чэрвеня 1900 г. кітайцы-іхэтуані[4] ўступілі ў Пекін, дзе пачалі аблогу пасольскага квартала, якая доўжылася 56 дзён. Падчас аблогі быў забіты германскі пасланнік Кяцелер. Войскі Альянсу пад камандаваннем Ліневіча ўварваліся ў Пекін. Уварванне суправаджалася рабаваннем і марадзёрствам, у тым ліку ў Забароненым горадзе. Гэта быў жорсткі адказ на нечалавечую жорсткасць іхэтуаней.

    Вароты Цяньаньмэнь, узарваныя войскамі альянсу падчас штурму Пекіна

    Як член альянсу, Аўстра-Венгрыя адправіла ў Кітай (Порт-Артур) аўстра-венгерскі флот у складзе двух вучэбных караблёў і крэйсераў «Кайзерын унд кёнігін Марыя-Тэрэзія», «Кайзерын Елізабет», «Асперн», «Зента», а таксама групу марскіх пехацінцаў у красавіку 1900. У чэрвені яны дапамаглі ўтрымаць Цяньцзіньскую чыгунку ад сіл Баксерскага паўстання, а таксама разграмілі флот узброеных джонак на рэках Хайхэ і Тайчжу. У захопе крэпасцяў Дагу ўдзельнічалі таксама Імператарскі флот Японіі, расійскі Ціхаакіянскі флот, Каралеўскі ваенна-марскі флот Вялікабрытаніі, ВМС ЗША і ВМФ Францыі. Пасля захопу крэйсеры яшчэ доўга стаялі ў порце і экіпаж флоту пакінуў іх толькі пасля ўрэгулявання канфлікту. У падаўленні Іхэтуаньскага паўстання ўдзельнічаў Георг Людвіг фон Трап — самы выніковы аўстрыйскі падводнік Першай сусветнай вайны.

    14 жніўня 1900 г. Імператар Гуансюй, ўдава імператрыца Цысі і вышэйшыя чыноўнікі пакінулі імператарскі палац і паслалі на мірныя перамовы вядомага саноўніка Лі Хунчжана. Імперскім уладам прыйшлося падпісаць няроўны Заключны пратакол[3]. Тэкст пратакола быў зацверджаны як дзяржавамі Альянсу, так і далучыўшымся да іх Іспаніяй, Бельгіяй і Галандыяй.

    Ацэнка альянсу

    Рускія часці ў Пекіне

    Альянс васьмі дзяржаў ацэньваецца кітайскімі гісторыкамі як уварванне ў слабы Кітай моцных імперый, якія хочуць разрабаваць краіну. А Баксёрскае паўстанне разглядаецца як паўстанне супраць захопнікаў. Гэтыя падзеі прывялі да яшчэ большай дэстабілізацыі становішча краіны.

    Гл. таксама

    Зноскі

    1. ↑
    " Іхэтуаньскае (баксёрскае) паўстанне — гэта быў генацыд хрысціянскага насельніцтва Кітая. Іх аддавалі самым пакутным пакаранням смерцю! "
    — Праф. А. Я. Чадаева, **Забытыя героі Першай сусветнай вайны** // Даклад ў лекторыі АБІБ — Дубна, 9 кастрычніка 2014. 2. [↑](/Альянс_васьмі_дзяржаў#cite_ref-2) O’Conner, David *The Boxer Rebellion* London:Robert Hale & Company, 1973, Chap. 16. 3. [1](/Альянс_васьмі_дзяржаў#cite_ref-autogenerated1_3-0) [2](/Альянс_васьмі_дзяржаў#cite_ref-autogenerated1_3-1) [Eight-Nation Alliance in Section 4](http://www.hkptu.org/society/pubin/fish/3287eng.htm) [Архівавана](https://web.archive.org/web/20081202040957/http://www.hkptu.org/society/pubin/fish/3287eng.htm) 2 снежня 2008. 4. [↑](/Альянс_васьмі_дзяржаў#cite_ref-4) Фракция тоталитарной секты «Белый лотос». Тэмы гэтай старонкі (3):
    Катэгорыя·Гісторыя Кітая
    Катэгорыя·Міжнародныя дагаворы
    Катэгорыя·Ваенна-палітычныя блокі