Альдраванда пухіраватая[3], Альдраванда пузырчатая[4] (Aldrovanda vesiculosa) — водная насякомаедная расліна сямейства Расіцавыя (Droseraceae).
Шматгадовая водная расліна з гарызантальна размешчаным ніткападобным сцяблом даўжынёй З-15 см, свабодна плавае на паверхні вады. Расце рэдка ў стаялай вадзе азёр, сажалак, у рэках у Прыкарпацці, на Палессе, у лесастэпу і стэпу.
Харчуецца дробнымі воднымі жывёламі. Плавае сцябло без каранёў. Лісце ў кольцах, са складзенымі ўздоўж пласцінкамі, пакрытае валасінкамі, пры раздражненні якіх палова ліста змыкаецца і заціскае здабычу. Ліст пры гэтым прымае форму бурбалкі. Працэс стрававання можа доўжыцца больш за месяц. Пасля гэтага ліст збольшага адмірае.
Сустракаецца ў Цэнтральнай і Паўднёвай Еўропе, Усходняй Азіі, Індыі, Афрыцы, Аўстраліі.
Від занесены ў Чырвоную кнігу Беларусі 1-га і 2-га выданняў (1981, 1993) і Украіны (2009). Водныя фармацыі альдраванды пухіраватай занесены ў Зялёную кнігу Украіны (1987) як «рэдкія, знікаючыя і тыповыя раслінныя супольнасці, якія маюць патрэбу ў ахове».
Ахоўваецца ў Літве і Польшчы. Уключаны ў Дадатак I да Бернскай Канвенцыі і ў Дадатак II да Дырэктывы Еўрапейскага Саюза аб месцах пражывання.