Азе́ршчына[2] (трансліт.: Azierščyna, руск.: Озерщина) — вёска ў Рэчыцкім раёне Гомельскай вобласці Беларусі. Уваходзіць у склад Азершчынскага сельсавета.
Вёска знаходзіцца за 10 км у напрамку на паўночны захад ад горада Рэчыца[3], за 60 км на захад ад Гомеля[3], каля азёр Вялікае і Святое, за 2 км ад аўтамабільнай дарогі Р82[4]. Каля паўднёвай ўскраіны працякае рака Ведрыч і ўпадае ў Дняпро непадалёк ад вёскі.
У вёсцы дзейнічаюць Палац культуры, дзве сярэднія школы, яслі-сад. Дзейнічае Ефрасіньеўская царква[5].