Адольф Вільгельм Герман Кольбэ (ням.: Adolph Wilhelm Hermann Kolbe; 27 верасня 1818, Эліхаўзен, цяпер частка Гётынгена - 25 лістапада 1884, Лейпцыг) — нямецкі хімік-арганік.
З 1838 па 1842 навучаўся ў Гётынгенскім універсітэце, дзе вывучаў хімію ў Ф. Вёлера. У 1842-1845 гадах асістэнт Р. В. Бунзена ў Марбургскім універсітэце. У 1845-1847 гадах працаваў у Горнай школе ў Лондане, у 1847-1865 гадах у Марбургскім універсітэце (з 1851 прафесар). З 1865 года да канца жыцця прафесар Лейпцыгскага універсітэта.