Агавэ́, Агаўэ (фр.: Ogooué, фр.: Ogowe) — рака ў Цэнтральнай Афрыцы, у Габоне і Рэспубліцы Конга.
Даўжыня ракі 1200 км. Плошча вадазбору 216 000 (222 700[1]) км² Сярэдні расход вады каля 5000 м³/с. Аб’ём гадавога сцёку 149[2] км³. Выток ракі знаходзіцца на Паўднёва-Гвінейскім узвышшы. Упадае ў Гвінейскі заліў Атлантычнага акіяна, утвараючы дэльту. На рацэ парогі. У верхнім цячэнні вадаспад Пубара. Рака суднаходная да горада Нджоле.