wd wp Пошук:
    ⬜

    Абмаражэнне

    Абмаражэнне — пашкоджанне тканак скуры праз замярзанне. Найчасцей закранае аддаленыя ад сэрца вялікія адкрытыя ўчасткі скуры. Ускладненне вядзе да змярцвення тканак.

    Папярэджанне

    Пашкоджанне прадухіляецца праз выхад на мароз у шматслойным адзенні і змазванне твару і рук тлустым крэмам (здор, камфорны алей і шмалец), расціранне твару толькі сухой далонню і ўсміханне, жвавы рух на марозе і адпачынак па вяртанні ў цёплае месца. Варта пазбягаць нашэння металічных упрыгожванняў, прагулак на галодны страўнік, палення цыгарэт і распіцця алкаголю на марозе. Таксама адзенне і абутак павінны быць цёплымі, сухімі і непрадзімальнымі з натуральнай поўсці і скуры. Галаўны ўбор і капюшон павінны захінаць вушы. Захоўванню цеплыні спрыяюць шарсцяныя шкарпэткі і пальчаткі (рукавіцы), шалік і абутак са сцілкамі (валёнкі)[1].

    Прычыны

    Пашкоджанню спрыяе цеснае і вільготнае адзенне і абутак, цялеснае ператамленне, голад, змушанае працяглае нерухомае і нязручнае становішча, папярэдняя халадавая траўма, аслабленасць перанесенымі хваробамі, патлівасць ног, хранічныя хваробы сасудаў ніжніх канечнасцей і сардэчна-сасудзістай сістэмы, цяжкія механічныя пашкоджанні са стратай крыві, паленне[2].

    Праявы

    Пашкоджанне выяўляецца праз паколванне і бледнасць скуры, пасля сагравання ўзнікае боль, ацёк і пухіры на скуры[3].

    Зноскі

    1. ↑ Прафілактыка абмаражэння (нявызн.). Беларускае тэлеграфнае агенцтва (30 студзеня 2012). Праверана 12 жніўня 2013.
    2. ↑ Абмаражэнне (нявызн.) (недаступная спасылка). Гродзенскі гарадскі выканаўчы камітэт. Архівавана з першакрыніцы 6 сакавіка 2016. Праверана 12 жніўня 2013.
    3. ↑ Вольга Шаўко. Пры халадовай траўме кожная хвіліна дарагая // Звязда (1917) : газета. — 9 студзеня 2008. — № 3 (26116). — С. 8. — ISSN 1990-763x.

    Спасылкі

    Тэмы гэтай старонкі (7):
    Катэгорыя·Траўмы
    Катэгорыя·Тэрмарэгуляцыя
    Катэгорыя·Захворванні паводле алфавіта
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Вікіпедыя·Артыкулы з непрацоўнымі спасылкамі
    Катэгорыя·Дэрматалогія