wd wp Пошук: ⬜

Фёдар Мікалаевіч Капуцкі

Фёдар Мікалаевіч Капу́цкі[1] (10 студзеня 1930, в. Селівонаўка, цяпер Маладзечанскі раён — 24 снежня 2017 [2][3]) — беларускі хімік. Заслужаны работнік вышэйшай школы БССР (1976), прафесар (1978), доктар хімічных навук (1984), акадэмік Нацыянальнай акадэміі навук Беларусі (1994; член-карэспандэнт з 1989). Рэктар Беларускага дзяржаўнага ўніверсітэта з 1990 года па 1996 год.

Галіна навуковых інтарэсаў: фізіка-хімія поліцукрыдаў; хімічная мадыфікацыя цэлюлозы; стварэнне лекавых прэпаратаў.

Біяграфічныя звесткі

Нарадзіўся ў вёсцы Селівонаўка Маладзечанскага раёна. Пасля заканчэння хімічнага факультэта Беларускага дзяржаўнага ўніверсітэта (1954) працаваў там асістэнтам, выкладчыкам, дацэнтам. З 1965 па 1973 гады быў дэканам хімічнага факультэта Белдзяржуніверсітэта.

З 1973 года працаваў намеснікам, а затым першым намеснікам Міністра вышэйшай і сярэдняй спецыяльнай адукацыі БССР. Фёдар Мікалаевіч Капуцкі таксама быў першым дырэктарам Навукова-даследчага інстытута фізіка-хімічных праблем.

З 1990 па 1996 год працаваў рэктарам Беларускага дзяржаўнага ўніверсітэта, на гэтай пасадзе яго змяніў Аляксандр Казулін.

Узнагароды і прэміі

Ордэн «Знак Пашаны» (1980 год)
Медаль Францыска Скарыны (1996 год)

Бібліяграфія

Лекарственные препараты на основе производных целлюлозы. — Мінск: Універсітэцкае, 1989 (разам з Т. Л. Юркштовічам).
Физическая химия. — Мінск: Вышэйшая школа, 1981 (разам з С. А. Сударыкавым).
Катионный олигомер пиперилена: синтез, свойства и применение. — Мінск: Універсітэцкае, 1997 (разам з В. П. Мардыкіным).

Зноскі

↑ Беларусь, 1995
↑ Памёр былы рэктар БДУ акадэмік Фёдар Капуцкі (нявызн.). Наша Ніва (26 снежня 2017). Праверана 26 снежня 2017.
↑ Умер экс-ректор БГУ Федор Капуцкий (нявызн.) (недаступная спасылка). tut.by (27 снежня 2017). Архівавана з першакрыніцы 7 студзеня 2018. Праверана 28 снежня 2017.

Літаратура

Капуцкі Фёдар Мікалаевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 370. — 800 с. — 5 000 экз. — ISBN 985-11-0026-9.

Спасылкі

Фёдар Мікалаевіч Капуцкі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)

Папярэднік:
Леанід Іванавіч Кісялеўскі

Рэктар Беларускага дзяржаўнага ўніверсітэта
1990 — 1996

Пераемнік:
Аляксандр Уладзіслававіч Казулін