wd wp Пошук: ⬜

ФК Вулверхэмптан Уондэрэрс

«Вулверхэмптан Уондэрэрс» (англ.: Wolverhampton Wanderers Football Club) — прафесійны англійскі футбольны клуб з горада Вулверхэмптан, Уэст Мідлендс. Першапачаткова клуб называўся «Сент-Люкс», бо яго заснавальнікам быў дырэктар школы Святога Лукі Гары Беркрафт. Клуб з’яўляецца адным з заснавальнікаў Футбольнай лігі. Ганаровым віцэ-прэзідэнтам клуба з’яўляецца легендарны спявак гурта «Led Zeppelin» — Роберт Плант.

Гісторыя

Канец XIX стагоддзя

«Вулверхэмптан Уондэрэрс» быў заснаваны ў 1877 годзе над назвай «Сент-Лю» дырэктарам школы Святога Лукі з Блэйкенгола, у гонар якой і атрымаў сваю назву. Пазней клуб яшчэ некалькі разоў змяняў назву, калі, нарэшце, у 1923 годзе не атрымаў сучасную назву, у гонар гораду, які прадстаўляе. У 1888 годзе клуб прыняў удзел у першым сезоне Футбольнай лігі. Заняўшы трэцяе месца, выйшаў ў фінал Кубка Англіі, дзе саступіў чэмпіёну краіны «Прэстану». На наступны год быў адчынены стадыён «Муленью», на якім каманда гуляе і па сённяшні дзень. А ў 1893 годзе клуб атрымаў свой першы трафей, у фінале кубка Англіі быў пераможаны «Эвертан».

Пачатак XX стагоддзя

У далейшым у клуба пачаліся цяжкія часы, падчас якіх каманда спачатку ўпарта затрымалася ў сярэдзіне турнірнай табліцы, а потым у 1906 годзе і зусім пакінула вышэйшы дывізіён англійскага футбола. Доўгі час «ваўкі» выступалі не лепшым чынам, аднак, нягледзячы на гнятлівае турнірнае становішча, у 1908 годзе камандзе ўдалося заваяваць свой другі Кубак Англіі. У 1923 годзе «Вулверхэмптан» вылецеў у другі дывізіён, аднак гэта станоўча паўплывала на гульню каманды, і ўжо ў наступным сезоне «ваўкі» здолелі вярнуцца назад. У 1932 годзе, дзякуючы выдатна прадуманай працы кіраўніцтва, клубу ўдалося вярнуцца ў эліту, заваяваўшы прапіску ў вышэйшым дывізіёне. На працягу 1930-х гадоў «Вулверхэмптан» двойчы заваёўваў срэбра ў нацыянальным першынстве і паступова стаў адным з лепшых клубаў Англіі. У 1939 годзе клуб у чарговы раз дайшоў да фіналу Кубка Англіі, але прайграў «Портсмуту» з лікам 4:1.

Склад

Станам на верасень 2022 года.

№	Пазіцыя	Імя	Год нараджэння
1	Бр	Жазэ Са	1993
3	Аб	Раян Аіт-Нуры	2001
4	Аб	Нейтан Колінз	2001
6	ПА	Бубакар Траарэ	2001
7	Нап	Педру Нету	2000
8	ПА	Рубен Невіш	1997
9	Нап	Рауль Хіменес	1991
10	Нап	Даніел Падэнсі	1995
11	Нап	Хван Хі Чхан	1996
13	Бр	Мація Саркіч	1997
14	Аб	Ерсан Маскера	2001
17	Нап	Гансалу Гедыш	1996
18	Нап	Саша Калайджыч	1997

№	Пазіцыя	Імя	Год нараджэння
19	Аб	Хоні Кастра	1994
20	Нап	Шыкінью	2000
22	Аб	Нелсан Семеду	1993
23	Аб	Макс Кілман	1997
24	Аб	Тоты Гоміс	1999
25	ПА	Конар Ронан	1998
27	ПА	Матэус Нуніс	1998
28	ПА	Жуан Матынью	1986
29	Нап	Дыегу Коста	1988
37	ПА	Адама Траарэ	1996
77	ПА	Чэм Кэмпбел	2002
	Нап	Леа Банатыні	1994

Дасягненні

Чэмпіён Англіі: 1954, 1958, 1959
Срэбны прызёр чэмпіянату Англіі: 1938, 1939, 1950, 1955, 1960
Уладальнік Кубка Англіі: 1893, 1908, 1949, 1960
Уладальнік Кубка англійскай лігі: 1974, 1980
Уладальнікі Суперкубка Англіі (англ.: Charity Shield): 1949, 1954, 1959, 1960

Спасылкі

На Вікісховішчы ёсць медыяфайлы па тэме ФК Вулверхэмптан Уондэрэрс
Афіцыйны сайт (англ.)
Статыстыка клуба Архівавана 4 верасня 2005. (англ.)
Неафіцыйны сайт заўзятараў «Вулвз» Архівавана 14 сакавіка 2016. (руск.)

Тэмы гэтай старонкі (6):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·ФК Вулверхэмптан Уондэрэрс
Катэгорыя·Футбольныя клубы Англіі
Катэгорыя·Футбольныя клубы, заснаваныя ў 1877 годзе
Катэгорыя·Клубы англійскай Прэм’ер-лігі
Катэгорыя·Футбольныя клубы паводле алфавіта