Новы Тарг[2] (польск.: Nowy Targ, ням.: Neumarkt, славацк.: Nový Targ, поўная афіцыйная назва — Каралеўскі вольны горад Новы Тарг) — горад на поўдні Польшчы, нефармальны цэнтр і буйнейшы горад рэгіёна Падгалле. Размешчаны за 85 км на поўдзень ад Кракава, за 380 км на поўдзень ад Варшавы, за 20 км ад мяжы са Славакіяй. Адміністрацыйны цэнтр Наватаргскага павета Малапольскага ваяводства, утварае гарадскую гміну, таксама з’яўляецца сядзібай вясковай гміны Новы Тарг. Чыгуначная станцыя. Займае плошчу 51,07 км². Насельніцтва 33,4 тыс. чалавек.