wd wp Пошук:
    ⬜

    Каталонія

    Каталонія (катал.: Catalunya, акс.: Catalonha, ісп.: Cataluña) — гістарычны рэгіён і аўтаномная супольнасць (кат. Comunitat Autònoma) у Іспаніі, на паўночным усходзе Пірэнейскага паўвострава паміж міжземнаморскім узбярэжжам і Пірэнеямі.

    Агульныя звесткі

    Плошча — 31,950 км ². Сталіцай аўтаномнай супольнасці з’яўляецца горад Барселона. Афіцыйныя мовы — каталонская, іспанская, аранская (у даліне Валь д’Аран). У Каталоніі жыве 7.210.508 чалавек (2007), пераважна каталонцы.

    Рух за незалежнасць

    Каталонія ў розны час раней спрабавала абвясціць (аднавіць) сваю незалежнасць ад Іспаніі, дамаглася аўтаноміі, афіцыйнага статусу каталонскай мовы і прызнання каталонцаў нацыяй, асобнай ад іспанцаў.

    У 2006 годзе ў Каталоніі прынялі новы аўтаномны статус, пашырыўшы фінансавую самастойнасць. У 2009–2010 гадах тут праходзілі неафіцыйныя апытаьні-рэферэндумы наконт незалежнасці. У 2012 годзе ў масавай маніфестацыі пад лозунгам «Каталонія — новая дзяржава Еўропы» ўзялі ўдзел больш за 1 мільён чалавек.

    9 лістапада 2015 года парламент Каталоніі зацвердзіў рэзалюцыю аб стварэнні незалежнай рэспублікі. Але Канстытуцыйны суд Іспаніі прызнаў рэзалюцыю аб незалежнасці неканстытуцыйнай.

    У верасні 2017 года парламент Каталоніі прыняў закон аб парадку выхаду са складу Іспаніі[4].

    1 кастрычніка 2017 года ў Каталоніі прайшоў рэферэндум аб незалежнасці ад Іспаніі. Канстытуцыйны суд Іспаніі прызнаў яго незаконным. Па звестках мясцовых улад, яўка склала 42% і за незалежнасць выказалася 90% з іх.

    Урад Іспаніі паспрабаваў сарваць галасаванне. На некаторых участках для разгону людзей ужываліся гумовыя кулі. Улады Каталоніі абвясцілі, што пацярпела больш за 800 чалавек.

    10 кастрычніка ў парламенце Каталоніі была падпісана Дэклярацыя незалежнасці. Прэзідэнт Карлес Пучдэмон заклікаў Мадрыд да перамоваў[5]. На датэрміновых выбарах у парламент Каталоніі 21 снежня большасць па суме месцаў зноў атрымалі партыі, якія выступаюць за незалежнасць рэгіёна.

    На выбарах 14 лютага 2021 года кааліцыя незалежніцкіх партый упершыню набрала больш за 50% галасоў[6].

    Вядомыя асобы

    Гл. таксама

    Зноскі

    1. 1 2 Statute of Autonomy of Catalonia 2006 — 2006.
    2. ↑ (unspecified title) — ISBN 978-84-8415-915-5
    3. ↑ https://libro.uca.edu/lewis/index.htm Праверана 8 лютага 2019.
    4. ↑ Парламент Каталоніі прыняў закон аб парадку выхаду з Іспаніі // Наша ніва
    5. ↑ Каталония: декларацию о независимости подписали, но независимость не объявили Архівавана 11 кастрычніка 2017. // Tut.by
    6. ↑ nn.by

    Спасылкі

    Тэмы гэтай старонкі (5):
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Старонкі з нелікавымі аргументамі formatnum
    Катэгорыя·Каталонія
    Катэгорыя·Вікіпедыя·Артыкулы з пераазначэннем значэння з Вікідадзеных