.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Дэвід Лойд Джордж (вал.: і англ.: David Lloyd George; 17 студзеня 1863, г. Манчэстэр, Вялікабрытанія — 26 сакавіка 1945) — брытанскі палітычны і дзяржаўны дзеяч, дыпламат; 53-і прэм’ер-міністр Вялікабрытаніі. Граф Двайфар (1945). Адзіны валіец на пасадзе прэм’ер-міністра і адзіны прэм’ер-міністр, роднай мовай якога не была англійская.
Атрымаў юрыдычную адукацыю. 3 1890 дэпутат палаты абшчын ад Ліберальнай партыі, выступаў супраць англа-бурскай вайны 1899—1902. 3 1905 міністр гандлю, з 1908 міністр фінансаў (на ўзор Германіі правёў у 1908 сацыяльную рэформу — закон аб пенсіі па ўзросце, абавязковае страхаванне ад хвароб і беспрацоўя з 1911), з 1915 міністр ваеннага забеспячэння, у 1916—22 прэм’ер-міністр (у 1916 і ваенны міністр) Вялікабрытаніі. Адзін з галоўных удзельнікаў Парыжскай мірнай канферэнцыі 1919—20 і аўтараў Версальскага мірнага дагавора 1919. Падтрымліваў Грэцыю ў час грэка-турэцкай вайны 1919—22, садзейнічаў заключэнню кампраміснага англа-ірландскага дагавора 1921. Кіраўнік брытанскай дэлегацыі на Генуэзскай канферэнцыі 1922. У 1926—31 лідар Ліберальнай партыі. Пасля прыходу да ўлады ў Германіі А. Гітлера (1933) выступаў у яго падтрымку, аднак хутка зразумеў сваю памылку. У 1945 член палаты лордаў.