«Дыпан» (фр.: Dheepan) — мастацкі фільм 2015 года рэжысёра Жака Адзіяра[12]. Карціна была ўдастоена «Залатой пальмавай галіны» Канскага кінафестывалю.
Трох тамільскіх уцекачоў са Шры-Ланкі пасялілі ў эмігранцкім раёне Парыжа. Баявік-сепаратыст з «Тамільскіх тыграў», які страціў жонку ды дзяцей, жанчына, якая засталася без дому, і дзяўчынка-сірата выдаюць сябе за сям’ю, каб атрымаць палітычны прытулак. Дыпан — іх новае прозвішча, запісанае ў сфальшаваных дакументах, — лучыць іх. На новым месцы — іншае жыццё, да якога трэба прызвычаіцца, паўстаюць іншыя праблемы.
Паводле інфармацыі сайта «Internet Movie Database» фільм быў адзначаны 7 кінаўзнагародамі і яшчэ 16 намінацыямі[13].