Дзмітрый Самуэль Палубінскі (? — 8 жніўня 1687) — дзяржаўны дзеяч Вялікага Княства Літоўскага.
Слонімскі падчашы ў 1640—1659, харунжы ў 1659—1660, маршалак у 1660—1670, ваявода новагародскі з 1670.
Пасол на соймы 1632, 1667, 1679, дэпутат Літоўскага Трыбунала ў 1655. Удзельнічаў у вайне Расіі з Рэччу Паспалітай 1654-1667.
Сын слонімскага земскага суддзі Міхаіла Іванавіча Палубінскага і Альжбеты Корсак, дачкі полацкага падкаморага Рамана Крыштафа Корсака.
Быў двойчы жанаты: спачатку з Канстанцыяй Стадніцкай, а потым з Петранелай Тышкевіч, дачкой смаленскага кашталяна Пятра Тышкевіча. З гэтых двух шлюбаў меў шмат дзяцей, сярод якіх найбольш вядомы Леан Казімір, цівун цверскі.