Гедэон Міхал Трызна (? — 11 верасня 1652) — дзяржаўны дзеяч Вялікага Княства Літоўскага.
Сын Рыгора Трызны, маршалка ваўкавыскага, і Раіны Сапегі, дачкі менскага ваяводы Багдана Сапегі. Меў братоў Марцыяна, Мікалая і Паўла Пятра.
Гараднічы гарадзенскі з 1637, паслядоўна літоўскі падстолі ў 1631, стольнік у 1631—1638, крайчы ў 1638—1642, падчашы ў 1642—1644, падскарбі вялікі літоўскі з 1644, староста берасцейскі з 1642, суражскі і мсціслаўскі, адміністратар Гарадзенскай і Магілёўскай эканомій.